తాళి కట్టే సమయంలో వరుడ్ని కాదన్న వధువు

Posted: 05/02/2017 04:46 PM IST

పెళ్లంటే నూరేళ్ల పంట.. తమ జీవితంలోకి జీవిత భాగస్వామి వచ్చే శుభతరుణం. ఇలాంటి కార్యక్రమాలు అత్యంత పవిత్రంగా సాగుతాయి, కానీ పాశ్చాత్య సంస్కృతికి అలవాటు పడిన యువత పెళ్లితో పెద్వవాడు అవుతున్నాడని, అందుకనే తన స్నేహితులకు బ్యాచిలెర్ పార్టీ కూడా ఇచ్చేస్తుంటారు. అయితే ఇది తప్పు కాదన్న భావన యువకుల్లో వుండగా, యువతులు మాత్రం మద్యం సేవించడం క్షమించరాని నేరంగా పరిగణిస్తున్నారు. ఈ మధ్యకాలంలో వధువులు తీసుకుంటున్న సాహసోపేత నిర్ణయాలతో పీటలెక్కిన పెళ్లిళ్లు కూడా నిలిచిపోతున్నాయి.

మరీ అదే మధ్యపాన నిషేదమున్న రాష్ట్రంలో.. తాళి కట్టడం మాత్రమే మిగిలివున్నా.. వరుడు మధ్యం సేవించాడన్న కారణంగా ఏకంగా పెళ్లిని రద్దు చేసుకుందో వధువు. తాగుబోతు వ్యక్తిని పెళ్లి చేసుకోవడం ఇష్టంలేదని, అతడ్ని వివాహం చేసుకోనని తేల్చి చెప్పి పెళ్లిని రద్దు చేసింది. బిహార్ లోని బక్సార్ జిల్లా సుజాత్‌పూర్‌లో ఈ సంఘటన చోటుచేసుకుంది. వివరాల్లోకి వెళ్తే.. బిట్టు పాండే(24)కు రాణి కుమారిని ఇచ్చి వివాహం చేయాలని పెద్దలు భావించారు. పెళ్లి పనులన్నీ పూర్తిచేసి.. కళ్యాణానికి అంతా సిద్దమయ్యారు.

మూడు ముళ్లు వేయాల్సిన శుభతరుణం రానేవచ్చింది. అంతే ఆ వరుడ్ని తాను పెళ్లి చేసుకోనని వధువు ఛీకొట్టింది. బిట్టును పెళ్లిచేసుకోనని, అతడు మద్యం సేవించి ఉన్నాడని.. అందుకే సరిగ్గా తాను నిల్చోలేక పోయాడని రాణి తన బంధువులకు వివరించింది. ఆమె పెద్దలు ఇందుకు సమ్మతించారు. జీలకర్ర పెట్టిన తర్వాత పెళ్లి ఆగిపోవడంతో పెళ్లికి వచ్చిన బంధువులు, సన్నిహితులు షాకయ్యారు. అయితే వదువు తరపు బంధువు జై నిశ్వాస్ స్పందిస్తూ.. మద్యనిషేధం అములులో ఉండగా.. ఎవరైనా మద్యం సేవించినట్లు అధికారులు గుర్తిస్తే దాదాపు పదేళ్లపాటు జైలుశిక్ష పడుతుందని వధువు ఇలా చేసిందని చెప్పారు.