అందమైన భార్యను ఆన్ లైన్ లో అమ్మకానికి పెట్టాడు

Posted: 09/13/2016 09:30 AM IST

వైవాహిక జీవితంలో ఒకరినోకరు టార్చర్ లు పెట్టుకోవటం ఇప్పుడున్న జనరేషన్ కి బాగా అలవాటు అయిన పనే. ఈపాటిదానికే ఇక్కడో వ్యక్తి తన భార్యను ఏకంగా ఆన్ లైన్ లో అమ్మకానికి పెట్టేశాడు. అయితే, తనను అమ్మకానికి పెట్టాడని తెలుసుకున్న లియాండ్రా అతనిని చంపేస్తానని పేర్కొంది. ఇంతకీ ఈ వేలాన్ని సరదా కోసం పెట్టాడా? లేక సీరియస్సా? అనేది తెలియటం లేదు. అది పక్కనబెట్టి వివరాళ్లోకి వెళ్లితే....

బ్రిటన్ లోని వోక్ ఫీల్డ్ లోని యార్క్ షైర్ కు చెందిన రాచెల్ సింప్రస్ ఈకామర్స్ వెబ్‌ సైట్ ఈబే ఓపెన్ చేసి చూస్తుండగా ఒక్కసారిగా షాక్ అయ్యాడు. ఎందుకంటే అందులో తన బెస్ట్ ఫ్రెండ్ ప్రాంక్ భార్య లియాండ్రా ఫోటో పెట్టి అమ్మకానికి పెట్టారు. తన భార్యను ఎందుకు విక్రయించాలనుకుంటున్నదీ ప్రాంక్ స్టార్ జోకెర్ సిమన్ ఓకనె (33) అనే వ్యక్తి పూర్తి వివరాలతోసహా అందులో పేర్కొన్నాడు. తన భార్య గురించి ఓకనే ఏమన్నాడంటే...‘‘ఫర్ సేల్ వన్ వైఫ్’’ అంటూ మొదలు పెట్టి లియాండ్రాకు దైవభక్తి అస్సలు లేదని, తనకు ఆరోగ్యం బాగాలేనప్పుడు ఆమె కనీసం దైవపూజలు కూడా చేయలేదని, పైపెచ్చు తనను మాటలు, చేతలతో హింసిస్తోందనే అమ్మకానికి పెట్టానని తెలిపాడు.

అదే టైంలో ఆమె లోని మంచి క్వాలిటీస్ గురించి చెబుతూ... లియాండ్రా చక్కగా నవ్వుతుందని, జిమ్ వర్క్ చేయడంతో మరింత చక్కని బాడీ షేప్ ఆమె సొంతమని తెలిపాడు. వంటపనిలో ఆమెకు తిరుగులేదన్నాడు. ఎప్పుడూ లొడలొడ వాగుతుండడం ఆమెకున్న లోపమని చెప్పాడు. ఆమెను దక్కించుకున్నవాడు అదృష్టవంతుడని పేర్కొన్న సిమన్, ఆమె చాలా మంచిదని తెలిపాడు. ఇదే సమయంలో ఒకసారి అమ్మిన వస్తువు తిరిగి తీసుకోబడదని షరతు విధించాడు. ఈ భార్య సేల్ కు నెటిజన్ల నుంచి విశేషమైన స్పందన వచ్చింది. కేవలం రెండు రోజుల్లోనే 65,880 పౌండ్ల బిడ్లు వచ్చాయి.