పాపులర్ పాప్ సింగర్ దారుణ హత్య

Posted: 06/11/2016 02:53 PM IST

అమెరికన్‌ పాప్ సింగర్ క్రిస్టినా గ్రిమ్మీ(22) దారుణ హత్యకు గురైంది. శుక్రవారం రాత్రి ఓర్లాండోలో ఓ కార్యక్రమానికి హాజరైన ఆమెపై గుర్తుతెలియని వ్యక్తి కాల్పులు జరపటంతో అక్కడికక్కడే మృతి చెందింది. టీవీ షో 'బి ఫోర్ యు ఎగ్జిట్' కి ఆమె ప్రదర్శన ఇచ్చింది. అది ముగిశాక ఆమెను ఒక్కసారిగా అభిమానులు చుట్టుముట్టారు. వారితో ముచ్చటిస్తూ ఆటోగ్రాఫ్ ఇస్తోన్న స‌మ‌యంలో ఓ దుండ‌గుడు ఆమెపై కాల్పులు జ‌రిపాడు.

అనంత‌రం త‌న‌ని తాను కాల్చుకొని చ‌నిపోయాడు. తీవ్రంగా గాయ‌ప‌డిన క్రిస్టినా గ్రిమ్మీని ఆసుప‌త్రికి త‌ర‌లించినా లాభం లేక‌పోయింది. ఘ‌ట‌న‌పై పోలీసులు ద‌ర్యాప్తు జ‌రుపుతున్నారు. సుమారు 60 మంది వరకు పాల్గొన్న ఈ కార్యక్రమంలో గ్రిమ్మీని లక్ష్యంగా చేసుకొనే కాల్పులు జరిగినట్లు అధికారులు తెలిపారు. కాల్పులకు పాల్పడిన వ్యక్తి గ్రిమ్మీకి తెలిసిన వ్యక్తేనా లేక ఆమెను అభిమానా అనే విషయం దృవీకరించాల్సి ఉందని పోలీసు అధికారి ఒకరు తెలిపారు. కాగా, ది వాయిస్ ఆల్బమ్ తో పాపులర్ అయిన గ్రిమ్మీ ఆపై యూట్యూబ్‌ స్టార్‌ గా వెలుగొందింది. చిన్నవయసులోనే ఈ లోకాన్ని విడిచిపోవటంతో పలువురు సెలబ్రిటీలు దిగ్బ్రాంతి వ్యక్తంచేస్తున్నారు.


బాస్కర్