తెలంగాణ మంత్రితో మహేష్ భార్య నమ్రత భేటీ..

Posted: 05/23/2016 01:15 PM IST

వెండి తెర రారాజులా వెలిగిపోతున్న హీరో మహేశ్ బాబు.. శ్రీమంతుడు తరువాత వచ్చిన బ్రహ్మోత్సవం నిరాశ కల్పించినా.. మాట తప్పడం. మడమ తిప్పడం తన ఇంటా వంటా లేదని అంటున్నాడు. ఇటీవల ఆంద్రప్రదేశ్ లోని గుంటూరు జిల్లాలో గల తన దత్తత గ్రామాం బుర్రిపాలేనికి వెళ్లి అక్కడి గ్రామస్థులు అభిమానులతో కలసి సందడి చేసి.. గ్రామాభివృద్దికి తీసుకోవాల్సిన చర్యలపై చర్చించిన ప్రిన్స్.. అదే రోజున తెలంగాణలోని తన దత్తత గ్రామాన్నికి కూడా త్వరలోనే వెళ్తానని ప్రకటించారు.

అన్న మాట మేరకు ఆయన సతీమణి భార్య నమ్రత  శిరోద్కర్ పంచాయతీ రాజ్ శాఖ మంత్రి  జూపల్లి కృష్ణారావును కలిశారు. మహబూబ్ నగర్ జిల్లా కొత్తూరు మండలం సిద్దాపూర్ గ్రామ అభివృద్ధిపై ఆమె మంత్రిలో భేటీ అయ్యారు. మహేశ్ బాబు సిద్దాపూర్ గ్రామాన్ని దత్తత తీసుకున్న నేపథ్యంలో గ్రామాభివృద్ది విషయమై అమె మంత్రితో చర్చించారు. సిద్దాపూర్ అభివృద్ధికి అన్ని సదుపాయాలు కల్పిస్తామని మంత్రి జూపల్లి  హామీ ఇచ్చారు. కలెక్టర్ శ్రీదేవి మాట్లాడుతూ ఆరోగ్యం, పరిశుభ్రత, స్కూల్ అభివృద్ధిపై నమత్ర ఆసక్తి చూపినట్లు చెప్పారు.

మరోవైపు మంత్రితో భేటీ అనంతరం నమ్రత మాట్లాడుతూ సిద్దాపూర్ను స్మార్ట్ విలేజ్గా మార్చుతామని తెలిపారు. సిద్దాపూర్ గ్రామ అభివృద్ద్ధికి సమగ్ర ప్రణాళికలను సిద్దం చేస్తున్నట్లు వివరించారు. కాగా కొద్దిరోజుల క్రితం ఆమె సిద్దాపూర్ గ్రామాన్ని సందర్శించి అక్కడ ప్రజలు ఎదుర్కొంటున్న సమస్యలను అడిగి తెలుసుకున్నారు. ఈ సందర్భంగా గ్రామం ఎదుర్కొంటున్న సమస్యలను సర్పంచ్ నర్సమ్మ నమత్ర శిరోద్కర్ దృష్టికి తీసుకువెళ్లారు. సమస్యలపై నమ్రతకు ఓ వినతిపత్రం సమర్పించారు.

మనోహర్