రిపబ్లికన్ పార్టీలో అమెరికన్ అధ్యక్ష అభ్యర్థిత్వం కోసం ప్రచారం రోజురోజుకూ దిగజారుతోంది. ఇప్పటివరకు వ్యక్తిగత విమర్శలు, దూషణలకే పరిమితమైన ప్రత్యర్థులు రియల్ ఎస్టేట్ టైకూన్ డోనాల్డ్ ట్రంప్, టెక్సాస్ సెనెటర్ టెడ్ క్రుజ్ సంస్కారం పరిధి దాటి.. ప్రత్యర్థి భార్యపై అసహ్యకర ప్రచారానికి తెర లేపారు. అమెరికా అధ్యక్ష బరిలో రిపబ్లికన్ పార్టీ బరిలో నిలిచేందుకు సొంత పార్టీకి చెందిన వారే ఇలా ప్రత్యర్తుల తరహాలో తమ పరువును బజారు పాలు చేసుకుంటున్నారు.
అభ్యర్థుల గుణగణాలు, నాయకత్వ లక్షణాలు, దేశాన్ని ఎలా ప్రగతిపథంలో నడిపిస్తాడన్న అంశాలను పరిగణలోకి తీసుకుని గతంలో ప్రచారాలు జరిగేవి. కానీ తాజాగా అభ్యర్థులు వ్యక్తిగత దూషణలకు దిగడంతో పాటు అత్యంత హేయకరమైన ప్రచారానికి కూడా తెరలేపారు. డోనాల్డ్ ట్రంప్ సతీమణి, మోడల్ మెలానియా 16 ఏళ్ల క్రితం ఓ మ్యాగజీన్ కు ఇచ్చిన ఫోటో షూట్ ను సోషల్ మీడియాలో పెట్టి.. అయితే ఇకపై ఈమె మన ఫస్ట్ లేడీ అంటూ ఓ ప్రచార ప్రకటనను రూపోందించడం కాస్తా వివాదాస్పదంగా మారింది.
నడిరోడ్డుమీద తాను ఎవరినైనా కాల్చినా.. తనను అమెరికా అధ్యక్షుడిగా కాకుండా ఎవరూ అడ్డుకోలేరు అన్న అహంకార ధీమాను వ్యక్తం చేసిన డోనాల్డ్ ట్రంప్.. తన సతి నగ్నఫోటోపై ప్రచార ప్రకటన చేయడంతో తన ప్రత్యర్థి టెడ్ క్రూజ్ పై తీవ్రస్థాయిలో విరుచుకుపడ్డారు. ‘నేనూ నీ భార్య సంగతి చూస్తానం’టూ బెదిరించారు. అనంతరం, తన భార్య మెలానియా, క్రుజ్ భార్య హైదీలను పోలుస్తూ వారి ఫొటోలను ట్వీటర్లో పోస్ట్ చేసి.. ‘ఒక్క ఫొటో వేయి పదాలతో సమానం’ అంటూ కామెంట్ రాశారు.
ఇది ఇద్దరి మధ్య అగ్గిని రాజేసింది. దీంతో డోనాల్డ్ ట్రంప్ ట్విట్ పై స్పందిచిన టెడ్ క్రూజ్ స్పందిస్తూ.. ‘నిజమైన పురుషులు స్త్రీలపై దాడి చేయరు. నీవు ఇంత పిరికివాడివనుకోలేదు. నీ భార్య చాలా అందంగా ఉంది. కానీ నా భార్యే నా జీవితం’ అంటూ క్రుజ్ స్పందించారు. మెలానియా నగ్న ఫొటో ప్రచారంతో తనకు ఎలాంటి సంబంధం లేదని స్పష్టం చేశారు. దీంతో, రిపబ్లికన్ పార్టీ అభ్యర్థుల ప్రచార తీరు దిగజారుడుతనంలో కొత్త లోతులకు చేరుతోందని విశ్లేషకులు భావిస్తున్నారు.
మనోహర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more