కేసీఆర్ ప్రసంగానికి హర్షధ్వనులు పలికిన అమరావతి

Posted: 10/22/2015 01:57 PM IST

అమరావతి శంకుస్థాపన సభలో తెలంగాణ ముఖ్యమంత్రి కేసీఆర్ ప్రసంగిస్తుండగా ఏపీ ప్రజలు హర్షధ్వానాలు వ్యక్తం చేశారు. దసరా పర్వదినాన ప్రధాని మోదీ చేతుల మీదుగా ఏపీ రాజధాని అమరావతి నగరానికి శంకుస్థాపన జరగడం శుభప్రదమని ఆయన అన్నారు. ఆంధ్రప్రదేశ్ రాజధాని అమరావతి ప్రపంచంలోనే అద్భుతమైన నగరం కావాలని కేసీఆర్ ఆకాంక్షించారు.
 
అమరావతి శంకుస్థాపన మహోత్సవంలో పాల్గొన్న ఆయన మాట్లాడుతూ తెలంగాణ ప్రజలు, ప్రభుత్వం తరపున ఏపీ ప్రజలు, ప్రజానిధులకు దసరా శుభాకాంక్షలు తెలియజేశారు. ఈ ప్రస్థానం అద్భుతంగా ముందుకు సాగాలని ఆశాభావం వ్యక్తం చేశారు. .దసరా రోజున అమరావతి శంకుస్థాపన జరగడం ఆనందదాయకమన్నారు. అమరావతి నిర్మాణానికి, అభివృద్ధికి కోసం అవసరమై అన్ని రకాల సహాయ సహకారాలను తెలంగాణ ప్రభుత్వం అందిస్తుందని కేసీఆర్ తెలిపారు.

జి. మనోహర్