ఆవునే తింటా అంటున్న కట్జూ

Posted: 10/05/2015 03:38 PM IST

సుప్రీంకోర్ట్ మాజీ న్యాయమూర్తి మార్ఖండేయ కట్జూ మరోసారి వివాదాలకు కేరాఫ్ గా నిలిచారు. గతంలో నేతాజీ మీద, గాంధీ మీద అనుచిత వ్యాఖ్యలు చేసి వార్తల్లో నిలిచిన కట్జూ తాజాగా మరోసారి గోమాంసం మీద వ్యాఖ్యలు చేశారు. కట్జూ చేసే వ్యాఖ్యలు నేరుగా చేస్తే పర్లేదు కానీ మరొకరి మనోభావాలు దెబ్బతినేలా మాట్లాడటం లేదంటే ఒక వర్గానికి చెందిన వారిని టార్గెట్ గా చెయ్యడం వివాదాస్పదమవుతోంది. ఆవు మాంసం తిన్నారని ఓ వ్యక్తిని కొట్టి చంపడం ఎంత వరకు కరెక్ట్ అని కట్జూ ప్రశ్నించారు. ఆవు ఒక జంతువు మాత్రమే. ఒక జంతువు ఎవరికీ తల్లి కాదు. ఆవు మాంసం తింటే తప్పేంటి? నేను కూడా తింటాను.. ఇకపై కూడా తింటాను అని స్పష్టం చేశారు.

ఆవు మాసం తినేవారంతా చెడ్డవారని చెప్పలేమని... ఆ మాంసంను తినని వాకారరు మంచి వారని చెప్పగలరా అని ప్రశ్నించారు. ఆవు మాంసం తింటేనే దాడులు చేస్తున్నారు. మరి ఎలుక, కోతి, పాములు, చేపలను చంపడం లేదా? వాటిని తినడం లేదా? వినాయకుడి వాహనం ఎలుక కదా? మరి ఎలుకను ప్రతి ఇంట్లో మందు పెట్టి చంపుతున్నారు? హనుమంతుని ప్రతిరూపమైన కోతిని ఎందుకు సర్కస్‌లలో ఉపయోగిస్తున్నారు? అంతే కాకుండా ఎలుకలను, కోతులను ప్రయోగ పరీక్షలకు ఎందుకు వినియోగిస్తున్నారు? ఈ విషయాలపై ఎవరూ ఎందుకు స్పందించరు? నాగపంచమి నాడు నాగుపామును పూజిస్తారు. మరి శివుని మెడ చుట్టూ ఉన్న ఈ నాగును కొందరు ఎందుకు చంపేస్తున్నారు? విష్ణు అవతారమైన చేపను తింటలేమా? వరహావతారమైన పందులను చంపుకు తినడం లేదా? యమధర్మరాజ వాహనమైన బర్రెను, లక్ష్మి వాహనమైన గుడ్లగూబను, శని దేవుని వాహనమైన కాకిని భక్షించడం లేదా? అని ప్రశ్నించారు. ఈ క్రమంలో హిందూ మనోభావాలు దెబ్బతినకూడదంటే జంతు వధపై చట్టం తేవాలని సూచించారు. మొత్తానికి కట్జూ చేసిన తాజా కామెంట్ లు ఎలాంటి దుమారానికి తెర తీస్తుందో చూడాలి.