అమెరికా విమానాన్ని ధ్వంసం చేసిన తాలిబన్లు

Posted: 10/02/2015 10:19 AM IST

అగ్రరాజ్యం అమెరికాకు సంబంధించిన ఓ విమానాన్ని తాలిబన్లు కూల్చేశారు. తమ బార్డర్ లో వచ్చిన ఆ విమానంపై అనుమానం రావడంతో వారు దాన్ని ధ్వంసం చేసినట్లు తెలుస్తోంది. ఆఫ్ఘనిస్థాన్ లోని జలాలాబాద్ విమానాశ్రయానికి సమీపంలో ఆ విమానం కుప్పకూలింది. దీంతో ఆ విమానంలో వున్న 12 మంది మరణించారు. సి-130 రకానికి చెందిన అమెరికన్ విమానం.. అర్థరాత్రి సమయంలో కూలిపోయిందని, దాంతో అందులో వున్నవాళ్లంతా మరణించారని సిన్హువా వార్తా తెలిపింది. ఈ ఘటన వెనుక బలమైన కారణాలు ఇంకా తెలియరాలేదు. ప్రస్తుతం ఈ సంఘటన ప్రపంచవ్యాప్తంగా హాట్ టాపిక్ మారింది.

అయితే అసలు ప్రమాదం ఎలా జరిగింది, విమానం ఎందుకు కూలిందన్న విషయాలు మాత్రం తెలియరావడం లేదు. ఈ ఘటన గురించిన వివరాలేవీ అందడం లేదని టోనీ విక్మన్ అనే ప్రతినిధి చెప్పారు. మరోవైపు.. ఆ  విమానాన్ని కూల్చింది తామేనని తాలిబన్లు ప్రకటించుకున్నట్లు తాజా సమాచారం. గత సంవత్సరం జూన్ నెలలో సి-130 విమానం ఒకటి అఫ్ఘాన్ పశ్చిమప్రాంతంలో ఎమర్జెన్సీ ల్యాండింగ్ చేసింది. అయితే, అప్పట్లో ఈ ఘటనలో ప్రాణనష్టం ఏమీ జరగలేదు. ప్రస్తుతం జరిగిని సంఘటనను చూస్తుంటే.. అమెరికాను తాలిబన్లు మరోసారి టార్గెట్ చేస్తున్నారనే అనుమానాలు వున్నాయని నిఘా వర్గాలు తెలుపుతున్నాయి.

AS