ఢిల్లీలో గవర్నర్ నరసింహన్ బిజీబిజీ.. మీడియాతో చమత్కారం

Posted: 08/08/2015 09:09 PM IST

రెండు తెలుగు రాష్ట్రాలకు సంబంధించి వివాదాలు త్వరలోనే పరిష్కారమవుతాయని ఢిల్లీలో మీడియాతో మాట్లాడిన గవర్నర్‌ నరసింహన్‌ ఆశాభావం వ్యక్తం చేశారు. హస్తినలో బిజీబిజీగా గడిపిన ఆనయ మీడియాతో మాత్రం తనదైన తరహాలో చమత్కరించాడు. శనివారం ఉదయం కేంద్ర హోం శాఖ కార్యదర్శితో భేటీ అయిన తరువాత భయటకు వచ్చిన ఆయనను మీడియా పలుకరించగా, మీడియా ప్రశ్నలకు గవర్నర్‌ సమాధానం చెప్పడానికి నిరాకరించారు. హోంశాఖ కార్యదర్శితో.  ఏ అంశాలపై మాట్లాడారన్నమీడియా ప్రశ్నకు జాతీయ, అంతర్జాతీయ విషయాలు చర్చించామని గవర్నర్‌ చమత్కరించారు.

ఆ తరువాత ఆయన కేంద్ర హోం శాఖ మంత్రి రాజ్ నాత్ సింగ్ తో ఆయన భేటీ అయ్యారు. ఈ సందర్భంగా మీడియాతో మాట్లాడుతూ.. తెలుగు రాష్ర్టాల్లో ఎలాంటి సమస్యలు లేవని ఉమ్మడి రాష్ర్టాల గవర్నర్‌ నరసింహన్‌ తెలిపారు. మీడియానే ఈ సమస్యలను సృష్టిస్తోందని వ్యాఖ్యానించారు. త్వరలోనే విద్యుత్‌ ఉద్యోగుల సమస్యలు పరిష్కారం అవుతాయని గవర్నర్‌ చెప్పారు. రెండు రోజుల పర్యటన కోసం ఢిల్లీ వెళ్లిన గవర్నర్‌ బిజీబిజీగా ఉన్నారు. రెండు రాష్ర్టాల్లోని తాజాపరిస్థితులపై సమావేశంలో చర్చించినట్లు సమాచారం. ప్రధానమంత్రి నరేంద్రమోదీతో కూడా సాయంత్రం గవర్నర్‌ సమావేశంకానున్నారని తెలుస్తోంది.

జి. మనోహర్