శత్రువులుగా మారనున్న బీజేపి-టీడీపీ

Posted: 01/09/2015 07:59 AM IST

బీజేపీ జాతీయ అధ్యక్షుడు అమిత్ షా రెండ్రోజులుగా తెలుగు రాష్ట్రాల్లో పర్యటిస్తున్న విషయం తెలిసిందే. బుధవారం హైదరాబాద్ చేరుకున్న బీజేపీ సారధి ముందుగా తెలంగాణకు చెందిన పార్టీ నేతలతో సమావేశం అయ్యారు. రాష్ట్రంలో పార్టీ స్థితిగతులు, అభివృద్ధి, కార్యకర్తల చేరికలు తదితర అంశాలపై చర్చించారు. నాలుగేళ్లలో బీజేపిని బలోపేతం చేస్తామని చెప్పారు. గురువారం సాయంత్రం తెలంగాణ పర్యటన ముగించుకుని అమిత్ షా విజయవాడ చేరుకున్నారు. ఇవాళ ఏపీ నేతలతో సమావేశం అవుతారు.

ఇక్కడ కూడా పార్టీ బలోపేతంపైనే ప్రధానంగా చర్చించనున్నారు. తెలంగాణలో ప్రత్యేక రాష్ట్రం కోసం బీజేపి చేసిన కృషిని వివరించాలని తెలపగా.., ఏపీకి వచ్చే సరికి రాష్ట్ర పునర్ నిర్మాణం, అభివృద్ధి కోసం గతంలో చేసిన పోరాటం, ప్రస్తుతం అందిస్తున్న సహకారంను ప్రజలకు తెలియజేయాలని కోరనున్నారు. ఏపీలో ప్రస్తుతం పొత్తుగా ఉన్న టీడీపీ కంటే బలమైన క్యాడర్ ను నాలుగేళ్ళలో పొంది సైకిల్ కు షాక్ ఇచ్చేలా మారాలని అమిత్ హితోపదేశం చేస్తారు. అంటే ప్రస్తుతం మిత్రులుగా ఉన్న బీజేపీ-టీడీపీ నాలుగేళ్ళ తర్వాత ప్రత్యర్థులుగా మారవచ్చన్నమాట.