Yahoo software engineer complain sexual harassment

yahoo female exectuve sued for sexual harassment, yahoo software engineer complain sexual harassment, advances of yahoo senior director complained by employee

yahoo software engineer complain sexual harassment

మహిళా ఎగ్జిక్యూటివ్ మీద అత్యాచార ఆరోపణ

Posted: 07/12/2014 05:39 PM IST
Yahoo software engineer complain sexual harassment

కాలిఫోర్నియాలో యాహూ ఇంక్ లో ఉన్నతస్థాయి ఎగ్జిక్యూటివ్ మీద ఉద్యోగి లైంగిక అత్యాచారానికి ఒడిగట్టినట్లుగా మరో మహిళా ఉద్యోగి ఫిర్యాదు చేసారు.

యాహూ మొబైల్ లో డైరెక్టర్ ఆఫ్ ఇంజినీరింగ్ గా పనిచేస్తున్న మరియా ఝాంగ్ మీద ఫిబ్రవరి 2013 నుంచి ప్రిన్సిపాల్ సాఫ్ట్ వేర్ ఇంజినీర్ గా పనిచేసిన నాన్ షి జూలై 8 న కాలిఫోర్నియాలో శాన్ జోస్ లో ఉన్న శాంటా క్లారా సుపీరియర్ కోర్ట్ లో కేసు ఫైల్ చేసారు.  

షి చేసిన అభియోగంలో ఝాంగ్ ఎన్నోసార్లు కాలిఫోర్నియాలో సన్నీ వేల్ లో తనతో లైంగిక చర్యలో పాల్గొనమని, దాని వలన షి భవిష్యత్తు ఎంతో బావుంటుందని చెప్తూ ఓరల్, డిజిటల్ సెక్స్ కోసం ప్రేరేపించిందని అన్నారు.  అందుకు పరిహారంగా డబ్బుతోపాటుగా దోషిని శిక్షించాలని కూడా షి తన ఫిర్యాదులో కోరారు.

తను చేసిన పనిని పనికట్టుకుని 2013 లో రెండవ, మూడవ క్వార్టర్లలో తక్కువ చేసి చూపించటం చేసిందని, ఈ విషయాన్ని హెచ్ ఆర్ దగ్గరికి తీసుకునిపోయి, ఝాంగ్ చేస్తున్న లైంగిక వేధింపుల మీద, చూపిస్తున్న వివక్ష మీద దర్యాప్తును కోరగా, అదేమీ చెయ్యలేదు సరిగదా తనని జీతం లేని సెలవులో పంపించి చివరకు పనిలోంచి కూడా తీసేసారని షి కోర్టు కేసులో పేర్కొన్నారు.

అయితే ఇదంతా నిరాధారమైన ఆరోపణలని, అందులో సత్యం లేదని, ఝాంగ్ మీద పడ్డ మచ్చను చెరిపివేయటానికి న్యాయపోరటం చేస్తామని కంపెనీ ప్రతినిధి అన్నారు. ఎలైక్ పేరుతో ఝాంగ్ స్థాపించిన మొబైల్ కంపెనీని 2013 లో యాహూ కొనుగోలు చేసింది.  యాహూలో ఆమె చేరటానికి ముందుగా మైక్రోసాఫ్ట్ లోను జిల్లో సంస్థలోనూ కూడా పనిచేసారు.

-శ్రీజ

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : latest news  moviesm movie news  city events  events coverage  

Other Articles

Today on Telugu Wishesh