మరో పరువునష్టం దావాలో కేజ్రీవాల్!

Posted: 06/04/2014 05:26 PM IST

ఇంతకు ముందు నితిని గడ్కరీ మీద నిరాధార వ్యాఖ్యలు చేసి పరువునష్టం దావాలో జైలుకి వెళ్ళిన ఆమ్ ఆద్మీ పార్టీ కన్వీనర్ అరవింద్ కేజ్రీవాల్ తో పాటు మరో కేసులో మనీష్ శిశోడియా యోగేంద్ర యాదవ్ లు కూడా ఆరోపణలు ఎదుర్కుంటున్నారు.  దీని మీద గతంలోనే కోర్టు కేజ్రీవాల్ కి సమన్లు జారీ చేసింది.

సురేందర్ కుమార్ శర్మ అనే న్యాయవాది ఢిల్లీ ఎన్నికలలో పోటీ చెయ్యటానికి తనకు ఆఆపా తరఫు నుంచి టికెట్ ఇస్తామని చెప్పి మోసం చేసారంటూ కేసు పెట్టారు.  విచారణను 16 వ తేదీకి వాయిదా వేసిన కోర్టు ఈ లోపులో వాళ్ళకి బెయిల్ మంజూరు చేసింది.  

గడ్కరీ కేసులో జరిగినట్లుగా కాకుండా ఈసారి ముగ్గురి కోసం వాళ్ళ న్యాయవాది రిషికేష్ కుమార్ ఒక్కొక్కరికి రూ.10000 ల బెయిల్ బాండ్ ని సమర్పిస్తూ తన వ్యక్తిగత పూచీకత్తు మీద బెయిల్ పిటిషన్ దాఖలు చెయ్యగా దాన్ని మెట్రోపాలిటన్ మేజిస్ట్రేట్ మునీష్ గార్గ్ ఆమోదించటం జరిగింది.

అంతకు ముందు బెయిల్ బాండ్ ని ఇవ్వటానికి తిరస్కరించి కేజ్రీవాల్ జుడిషియల్ కస్టడీలో తిహార్ జైల్లో గడిపారు.  దానిమీద హైకోర్టు లో అప్పీల్ చెయ్యగా ముందు బెయిల్ బాండ్ సమర్పించి, ఆ తర్వాత న్యాయపోరాటం చెయ్యమని హైకోర్టు సూచించటం జరిగింది.  

-శ్రీజ