అదృష్టం ఒకసారే తలుపుతడుతుందని చెప్తారు. దాని అర్థమేమిటంటే అదృష్టం కలిసివచ్చినపుడు దాన్ని కాపాడుకోవాలి కానీ, మళ్ళీ మళ్ళీ కలిసివస్తుందన్న నమ్మకంతో ఉండవద్దని. అనూహ్యంగా ఢిల్లీ ముఖ్యమంత్రిగా అధికారాలు చేపట్టిన ఆమ్ ఆద్మీ పార్టీ కన్వీనర్ అరవింద్ కేజ్రీవాల్ కేవలం 49 రోజులే పనిచేసి సార్వత్రిక ఎన్నికలకు సిద్ధమవుతున్నప్పుడే అన్నా హజారే వ్యాఖ్యానించారు కేంద్రంలో గద్దె ఎక్కుదామని కేజ్రీవాల్ ఆశపడతున్నారని. ఢిల్లీ ముఖ్యమంత్రి పదవిని కట్టబెట్టిన ఢిల్లీ ప్రజలకు తాను చేసిన వాగ్దానాలను నెరవేర్చకపోగా వాళ్ళ నమ్మకాలను వమ్ము చేస్తూ రాజీనామా చెయ్యటం ఒకపక్క రాజకీయ ప్రయోజనంలో చేసిన వేగిరపాటు చర్యగా కనిపించటమే కాకుండా, ఆయన బాధ్యతా రాహిత్యాన్ని తెలియజేస్తోంది.
ఉద్యమాలు నిరసనలకే అలవాటు పడ్డ కేజ్రీవాల్ పని చెయ్యవలసి వచ్చినప్పుడు ముఖం చాటేసారనే అపఖ్యాతిని ఆయన మూటగట్టుకున్నారు. కొండని ఢీకొట్టి ఉన్న కొమ్ములు పొగొట్టుకున్నట్లుగా, ఎత్తైన కొండలా నిలబడ్డ నరేంద్ర మోదీని ఢీకొట్టే ప్రయత్నంలో ఉన్న ముఖ్యమంత్రి పదవినీ, ఆశించిన ఎంపీ సీటునీ పొగొట్టుకున్నారు కేజ్రీవాల్.
అయితే, చేసిన తప్పు తెలిసేటప్పటికి పుణ్యకాలం కాస్తా గడిచిపోయింది. బయటే కాకుండా ఢిల్లీలో రోడ్ షోల సమయంలో జరిగిన దాడులవలన అసలు విషయం అవగతమైనా అప్పటికే కాలాతీతమైపోయింది, వెనక్కి తిరిగి వెళ్ళే దారి మూసుకుపోయింది.
అందువలన ఇప్పటికైనా రాజకీయ చరిత్రలో మరుగునపడిపోకుండా ఉండటం కోసమైనా చెయ్యాల్సిన పని చేసారు అరవింద్ కేజ్రీవాల్. అదేమిటంటే పబ్లిక్ గా ఢిల్లీ ప్రజలకు క్షమాపణ చెప్పటం, అది కూడా తనని ముఖ్యమంత్రిగా నిలబెట్టిన ప్రజల అనుమతి తీసుకోకుండా అర్ధాంతరంగా ఆ పదవిని వదిలిపెట్టినందుకు.
-శ్రీజ
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more