మంగళగిరి అసెంబ్లీ స్థానంలో మారిన తెదేపా అభ్యర్థి

Posted: 04/19/2014 11:17 AM IST

గుంటూరు జిల్లా మంగళగిరి అసెంబ్లీ స్థానానికి ముందుగా తులసి రామచంద్ర ప్రభుకి కేటాయించారు. 

కానీ స్థానిక అభ్యర్థి గంజి చిరంజీవిని విస్మరించి రామచంద్ర ప్రభుకి ఇవ్వటం మీద ఆయన మద్దతుదారులు ఆగ్రహం చెంది శుక్రవారం నాడు తెదేపా కార్యాలయం ముందు నిరసన తెలియజేసారు.  25 సంవత్సరాలుగా పార్టీలో సేవచేస్తున్న తనను కాదని స్థానికేతర వ్యక్తికి పార్టీ టికెట్ ఇవ్వటం మీద చిరంజీవి వర్గీయులు పార్టీ అధ్యక్షుడి మీద వత్తిడి తేగా ఈ రోజు చంద్రబాబు నాయుడు చిరంజీవికి మంగళగిరి స్థానాన్ని కేటాయిస్తూ ఆయనకు బి ఫారాన్ని అందజేసారు. 

దానితో గంజి చిరంజీవి, ఆయన మద్దతుదారులు ఈ రోజు సంతోషాన్ని వ్యక్తంచేస్తూ నామినేషన్ దాఖలు చెయ్యటానికి సిద్ధమయ్యారు. 

-శ్రీజ