గ్రేటర్ హైద్రాబాద్ లోకి రాలేదు, పంచాయితీ ఎన్నికలూ లేవు

Posted: 03/12/2014 09:34 AM IST

హైద్రాబాద్ శివారు ప్రాంతాలైన కొంపల్లి, ప్రగతి నగర్, దూలపల్లి, నాగారం, దమ్మాయిగూడ, శంషాబాద్, బాచుపల్లి గ్రామాలలో పంచాయతీ ఎన్నికలు జరగనందున హైకోర్ట్ లో పిటిషన్లను వేసారా గ్రామవాసులు.  పంచాయత్ ఎన్నికలు జరపనందుకు అసంతృప్తిని వెల్లడిచేసిన హైకోర్టు, ఏప్రిల్ 15 లోగా ఆ ఏడు గ్రామ పంచాయతుల ఎన్నికలు జరిగిపోవాలంటూ ఆదేశాలిచ్చారు. 

ఆయా గ్రామాల నుండి వేరువేరుగా వచ్చిన పిటిషన్లను అన్నింటినీ కలిపి విచారించిన హైకోర్టు న్యాయమూర్తి జస్టిస్ రమేశ్ రంగనాధన్ ఆ పంచయతీ ఎన్నికలను ఏప్రిల్ 15 లోగో జరపాలంటూ అదేశించారు. 
అసలెందుకు జరగలేదు ఆ పంచాయతీ ఎన్నికలు

ఈ ఏడు పంచాయతీలతో పాటు మరికొన్ని గ్రామాలను గ్రేటర్ హైద్రాబాద్ లో కలుపుతూ ప్రభుత్వం ఉత్తర్వులు జారీ చెయ్యగా వాళ్ళంతా హైకోర్టుని ఆశ్రయించి ఆ ఉత్తర్వుల నిలుపుదలకు కోర్టు నుంచి మధ్యంతర ఉత్తర్వులు తెచ్చుకున్నారు.  అప్పటి నుండి ఆ పంచాయతీలలో ఎన్నికలు జరగటం లేదు.  అందువలన ఎన్నికలను నిర్వహించవలసిందిగా హైకోర్టులో పిటిషన్ల వెయ్యటం జరిగింది. 

-శ్రీజ