ఆకాశంలో ఐదురోజుల విన్యాసాలు

Posted: 03/11/2014 08:24 AM IST

ఇండియా ఏవియేషన్ 2014 పేరుతో హైద్రాబాద్ లో ఐదురోజులపాటు జరుగునున్న 4 వ అంతర్జాతీయ పౌర విమానయాన  సదస్సులో 18 దేశాలకు చెందిన 250 విమాన సంస్థలు పాల్గొంటున్నాయి. 

ఈ కార్యక్రమం కోసం సోమవారం బేగంపేటలో జరిగిన సన్నాహ సమారోహంలో మాట్లాడిన భారత పౌర విమానయాన మంత్రిత్వశాఖ కార్యదర్శి అశోక్ కుమార్, ఈ అంతర్జాతీయ సదస్సులో వ్యాపార వాణిజ్య చర్చలు మూడురోజుల పాటు చోటు చేసుకుంటాయని, చివరి రెండు రోజులలో అందరికీ ప్రవేశం ఉంటుందని తెలియజేసారు.  భారత విమానరంగ అభివృద్ధే ధ్యేయంగా ఈ అంతర్జాతీయ సదస్సుని నిరవహిస్తున్నామని ఆయన అన్నారు. 

సోమవారం జరిగిన సన్నాహ కార్యక్రమంలో ఆకాశంలో ప్రదర్శించిన విమాన విన్యాసాలు అందరినీ ఆకట్టుకున్నాయి.  ఆకాశంలో విమానాన్ని గిరగిరా తిప్పుతూ చేసిన ప్రదర్శనను చూసిన వారంతా ఆశ్చర్యానందాలతో కేరింతలు కొట్టారు. 

-శ్రీజ