సైకిల్ కి తెలంగాణ ఎర్రబెల్లి దయాకర్ రావు గుడ్ బై?

Posted: 03/03/2014 01:35 PM IST

కాంగ్రెస్ నాయకులు  సైకిలేక్కుతున్న సమయంలో.. తెలుగుదేశం పార్టీలోని కొంతమంది సీనియర్ నాయకులు ..పార్టీకి  గుడ్ బై చెప్పటానికి సిద్దమవుతున్నారు.  ఇప్పటికే  టిడిపి ని వదిలి, కాంగ్రెస్ పార్టీలోకి,  టీఆర్ఎస్ పార్టీలోకి,  బిజేపిలోకి, వైఎస్ఆర్ కాంగ్రెస్ పార్టీలోకి  వెళ్లిన విషయం తెలిసిందే.  అయితే  త్వరలో  ఆ పార్టీ సీనియర్ నేత ఎర్రబెల్లి దయాకర్ రావు టిడిపి పార్టీని వీడనున్నట్లు తెలుస్తోంది. 

ఈరోజు ఎర్రబెల్లి నివాసంలో కార్యకర్తల సమావేశం జరుగుతోంది. సాయంత్రంలోగా దీనిపై ఓ క్లారిటీ వచ్చే అవకాశం ఉందని తెలుస్తోంది. టిడిపి తెలంగాణ ఫోరం కన్వీనర్ గా ఉన్న ఎర్రబెల్లి గత కొంతకాలంగా అధినేత తీరుపై అసంతృప్తిగా ఉన్నట్లు తెలుస్తోంది. 

తెలంగాణ బిల్లు పార్లమెంట్ లో పాస్ అయినప్పటి నుండి తెలంగాణలో టిడిపి పార్టీని ప్రజలు నమ్మడం లేదని, ప్రజలు మళ్లీ పార్టీని ఆదరించాలంటే తెలంగాణ ప్రాంతానికి ఓ కమిటీని వేయాలని ఆయన పార్టీ అధ్యక్షుడిని కోరుతూ వస్తున్నారు. కానీ దీనిపై బాబు కాలయాపన చేస్తుండడంతో ఆయన నిరాశకు గురైనట్లు తెలుస్తోంది. 

అంతేగాక తనకు వ్యతిరేకంగా పార్టీలోనే కొందరు తయారవుతుండడంతో పార్టీని వీడాలని ఆయన తాజాగా నిర్ణయించుకున్నట్లు తెలుస్తోంది. స్వంత నియోజకవర్గంలోని పార్టీ కార్యకర్తలు, నేతలతో దయాకర్ రావు చర్చించి నిర్ణయం తీసుకుంటారని సమాచారం.

 తెలుగుదేశం పార్టీలోని సీనియర్ నాయకులు ఇలా ఎందుకు వెళుతున్నారో  పార్టీలోని కార్యకర్తలు అర్థంకావటంలేదు గానీ,  చంద్రబాబుకు బాగా అర్థమవుతుందని  ..పార్టీకి గుడ్ బై చెప్పె నాయకుల అంటున్నారు.  ఇప్పుడ ఎర్రబెల్లి విషయంలో  చంద్రబాబు ఎలా స్పందిస్తారో  చూద్దాం. 

-ఆర్ఎస్