సీఎం మార్పు-12 వారాల్లో తెలంగాణ

Posted: 10/11/2013 08:47 AM IST

ప్రత్యేక తెలంగాణ రాష్ట్ర ఏర్పాటుకు సంబంధించి ప్రక్రియను కేంద్రం యుద్ధప్రాతిపదికన పూర్తి చేస్తోంది. 12 వారాల్లో తెలంగాణ రాష్ట్రం ఏర్పడుబో తోందని కాంగ్రెస్‌ సీనియర్‌ నేత, రాజ్యసభ సభ్యుడు పాల్వాయి గోవర్ధన్‌ రెడ్డి వెల్లడించారు. రెండు మూడు రోజుల్లో కేంద్ర కేబి నెట్‌ ఆమోదించిన తెలంగాణ నోట్‌ను రాష్ట్రపతి భవన్‌కు పంపనున్నారు, రాష్ట్రపతి ఆమోదం పొందిన వెంటనే, అసెంబ్లి కి పంపడం జరుగుతుందని వివరించారు. అసెంబ్లి కి తెలంగాణ తీర్మానం రాదు... నోట్‌ మాత్రమే వస్తుందని పాల్వాయి తెలిపారు. రాష్ట్రం లో ప్రస్తుతం నెలకొన్న పరిస్థితులను అదుపు చేయడంలో ముఖ్య మంత్రి కిరణ్‌కుమార్‌రెడ్డి పూర్తిగా విఫలమయ్యారు. ఈ విషయాన్ని కాంగ్రెస్‌ అధిష్టానం గుర్తించింది, ముఖ్యమంత్రి మార్పు ఉంటుంది, 15 రోజుల్లోనే కొత్త ముఖ్యమంత్రి రాబోతున్నారని పాల్వాయి గోవర్ధన్‌ రెడ్డి సంచలన వ్యాఖ్యలు చేశారు. కొత్త ముఖ్యమంత్రి కూడా సీమాంధ్ర ప్రాంతం నుంచి ఉంటారని ఇప్పటికే స్పష్టమైన సంకేతాలు తనకు అందాయని చెప్పారు.