మంత్రి గల్లా అరుణకుమారి కి రెండు కోట్లు నష్టం?

Posted: 07/04/2013 10:50 AM IST

రాష్ట్ర భూగర్భ గనుల శాఖ మంత్రి గల్లా అరుణకుమారికి రెండు కోట్లు నష్టం సంభవించింది. చిత్తూరు జిల్లా పూతలపట్టు మండలం రంగంపేట క్రాస్‌ వద్ద గల్లా ఫుడ్స్ ఫ్యాక్టరీలో అగ్ని ప్రమాదం జరిగింది. అర్థరాత్రి జరిగిన ఈ ప్రమాదంలో 800 టన్నుల మామిడి కాయలు అగ్నికి ఆహుతి అయ్యాయి. షార్ట్ సర్క్యూట్ తో ఓ షెడ్డుకు మంటలు అంటుకోగా, పక్కనే మామిడి కాయలు నిల్వ ఉంచిన షెడ్డుకు కూడా మంటలు వ్యాపించాయి. సమాచారం అందుకున్న చిత్తూరు అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెస్తున్నారు. ఈ ప్రమాదంలో సుమారు రెండు కోట్ల ఆస్తినష్టం జరిగినట్లు ఫ్యాక్టరీ యాజమాన్యం తెలిపింది. అయితే అధికారికంగా సుమారు కోటి ఆస్తినష్టం జరిగినట్లు అగ్నిమాపక అధికారులు చెబుతున్నారు. మంత్రి గల్లా అరుణకుమారి కుటుంబానికి చెందిన గల్లా ఫుడ్స్ ఫ్యాక్టరీలో మామిడి , ఆపిల్‌తో పళ్ల రసాలు తయారు అవుతాయి.