నటి పై యాసిడ్ దాడి

Posted: 06/22/2013 06:20 PM IST

నిత్యం మహిళల పై ఏదో ఒక దాడి జరుగుతూనే ఉంటుంది. ఆ దాడుల బాధితుల్లో సినీ నటులు ఉండటం కూడా కాస్త ఆశ్చర్యానికి గురిచేసే సంఘటన. గతంలో మన రాష్ట్రంలో ఎంతో మంది అమ్మాయిల పై యాసిడ్ దాడి జరిగింది. తాజాగా పాకిస్థాన్ ప్రముఖ సినీ, టెలివిజన్ నటి పై ఈ రోజు యాసిడ్ దాడి జరిగింది. అక్కడి సినిమాలు, టెలివిజన్ కార్యక్రమాలలో ప్రజాదరణ పొందిన 18 ఏళ్ళ బుష్రా పై గుర్తుతెలియని వ్యక్తి దాడి చేశాడు. ఈమె తన ఇంట్లో నిద్రిస్తుండగా ఇంటి గోడ పైకి ఎక్కి ఈమె పై దాడి చేసి పారిపోయాడని ఆమె సోదరుడు తెలిపాడు. ఈమెను వెంటనే ఆసుపత్రికి తరలించి వైద్యం చేయించారు. అప్పటికే ఈమె శరీరం 33 శాతం కాలిపోయినట్లు వైద్యులు తెలిపారు. అయితే కేసు నమోదు చేసుకున్న పోలీసులు నిందుతున్ని పట్టుకోవడానికి ప్రయత్నం చేస్తున్నారు. ఈ దాడి టీవీ డ్రామా నిర్మాత అయిన షౌకత్ ఖాన్‌ పై అనుమానం ఉందని ఆమె సోదరుడు పోలీసులకు తెలిపాడు. ఆ కోణంలో కేసును దర్యాప్తు చేస్తున్నారు. పోయిన సంవత్సరంలో పాకిస్తానీ గాయని ఘజాలా జావేద్‌ను సాయుధులు కాల్చి చంపారు. మాజీ భర్తతో వివాదం కారణంగా ఆమెను పెషావర్‌లోని బ్యూటీ సెలూన్ నుంచి బయటకు వస్తుండగా కాల్చి చంపారు.