Posted: 02/17/2013 01:51 PM IST

శ్రీకాకుళం జిల్లా అరసవెల్లి దేవాలయం భక్తులతో కిటకిటలాడుతోంది. రథ సప్తమి పర్వదినాన సూర్యనారాయణస్వామిని దర్శించుకునేందుకు దేశం నలుమూలల నుంచి వేలాది మంది భక్తులు సాయంత్రానికే చేరుకున్నారు.. వేల సంఖ్యలో తరలివచ్చిన భక్తులు .. ఆదిత్యుడికి క్షీరాభిషేకాలు నిర్వహించారు. స్వామి స్వరూపనంద సరస్వతి సూర్యభగవానుడిని దర్శించుకోవటం జరుగుతుంది. అయితే  పెద్ద సంఖ్యలో  భక్తులు  తరలిరావడంతో  తొక్కిసలాట  చోటుచేసుకుంది.  ఈ ఘటనలో ముగ్గురు మహిళలు  సొమ్మసిల్లి పడిపోయారు.  వెంటనే  ఆలయ సిబ్బంది  వీరికి  సపర్యలు  చేయటం జరిగింది.  అయితే  ఆలయ సిబ్బంది  ఇష్టానుసారంగా టికెట్లు విక్రయించడం, భక్తుల  అంచనాకు తగ్గట్లుగా  బారికేడ్లు ఏర్పాటు చేయకపోవడమే  తొక్కిసలాటకు  కారణమని  భక్తులు  అధికారులపై మండిపడుతున్నారు. అయితే  పెద్దగా ప్రమాదం లేదని  ఆలయ అధికారులు చెబుతున్నారు.