Posted: 01/19/2013 11:47 AM IST

అమెరికా అధ్యక్ష పదవికి  రెండోసారి  ఎన్నికైనా  బరాక్  ఒబామా  ప్రమాణ స్వీకార  కార్యక్రమ  ఏర్పాట్లు వూపందుకున్నాయి.  జనవరి 20వ తేదీ  మధ్యాహ్నం  శ్వేతసౌధంలో  అధికారికంగా అమెరికా  సర్వోన్నత న్యాయస్థాన ప్రధాన  న్యాయమూర్తి  జాన్ రాబర్డ్స్  ఒబామా చేత ప్రమాణ స్వీకారం చేయిస్తారు.  21వ తేదీన  వాషింగ్టన్  డీసీలోని క్యాపిటల్  భవనం వద్ద ప్రజల  ఎదుట  మరొకసారి  ప్రమాణస్వీకారం చేస్తారు. క్యాపిటల్  భవన్నాన్ని  సర్వాంగసుందరంగా తీర్చిదిద్దే కార్యక్రమాలు  ముమ్మరంగా సాగుతున్నాయి.  2009లో జరిగిన అధ్యక్ష  ప్రమాణస్వీకార కార్యక్రమానికి సుమారు 20 లక్షల మంది హాజరుకాగా, ఈ ఏడాది  జరిగే కార్యక్రమానికి 8 లక్షల  మంది హాజరయ్యే అవకాశం  ఉన్నట్లు  అధికార  వర్గాలు  అంచనా వేశాయి. కార్యక్రమం  జరిగే  రోజున  బస చేసే హోటళ్ల  ధరలు  5 రెట్లు అధికంగా వసూలు చేస్తున్నారు.  వర్జీనియా, మేరీల్యాండ్  తదితర  రాష్ట్రాల్లోని  ప్రజలు తమ ఇళ్లను  ఈ కార్యక్రమంలో  పాల్గొనేందుకు  వచ్చే  పర్యాటకులకు  అద్దెకు ఇస్తారు.