Posted: 01/04/2013 07:54 PM IST

మహిళల రక్షణ పోలీసుల బాధ్యతేనని కేంద్ర హోం మంత్రి షిండే ప్రకటించారు. పోలీసుల వైఖరిలో మార్పు రావాలని ఆకాంక్షిస్తూ, మహిళల రక్షణకు పోలీసు వ్యవస్థలోని అన్ని స్థాయిల అధికారులూ కృషి చేయాలని ఆయన విజ్ఞప్తి చేశారు.  అన్ని రాష్ట్రాల పి.ఎస్‌లు, డి.జి.పి.లతో సమావేశం నిర్వహించిన షిండే కొన్ని సందర్భాలలో సమాచారం ఆలస్యంగా రావచ్చునని, అయితే ముందు అధికారుల వైఖరి బాధితులకు న్యాయం చేసే దిశగా ఉండాలని ఆయన ఆకాంక్షించారు. బాల నేరస్థుల వయస్సు నిర్ధారణ అంశంలో గల సందేహాలను నివృత్తి చేస్తూ 18 సంవత్సరాల నుంచి 16 సంవత్సరాలకు ఈ వయస్సును కుదించాలని భావిస్తున్నట్టు ఆయన వివరించారు.