Posted: 01/03/2013 09:41 AM IST

జగన్ అక్రమాస్తుల కేసుకు సంబంధించి వాన్ పిక్ కేసులో అరెస్టు అయిన చంచల్ గూడ జైలులో ఉంటున్న మాజీ మంత్రి మోపిదేవి వెంకట రమణ ఈ మద్యనే తాత్కాలిక బెయిల్ పై శబరిమల వెళ్లివచ్చిన విషయం తెలిసిందే. శబరిమలై వెళ్లి వచ్చిన మాజీ మంత్రి మోపిదేవి వెంకటరమణ బెయిల్ గడువు నిన్నటితో ముగిసింది. దీంతో ఆయన నేడు తిరిగి జైలుకు వెళ్లవలసి వస్తుంది. ఈ నేపథ్యంలో ఆయనను పలువురు కాంగ్రెస్ నాయకులు కలిసి పరామర్శించారు. వారిలో పిసిసి అధ్యక్షుడు బొత్స కూడా ఉన్నారు. వీరు మోపిదేవిని రెండు సార్లు కలిసి చర్చలు జరిపారు. ఈయనే కాకుండా ఆర్థిక శాఖ మంత్రి ఆనం రామనారాయణ రెడ్డి కూడా మోపిదేవిని కలిసారు. నేడు తిరిగి కోర్టుకు హాజరై లొంగిపోనున్నారు.