Posted: 11/27/2012 07:34 PM IST

గిరిజన బాలికపై అత్యాచారానికి పాల్పడిన ఓ హెడ్‌మాస్టర్‌ను పోలీసులు అరెస్టు చేశారు. ఒడిశా కలహండి జిల్లాలోని అంపనీ సేవాశ్రమ్ గిరిజన రెసిడెన్షియల్ పాఠశాల హెడ్‌మాస్టర్ నకుల్ సబర్.. 10వ తరగతి చదువుతున్న ఓ విద్యార్థినిని ఈ నెల 22న గిరిజన బాలికల హాస్టల్లోని తన గదికి పిలిపించుకుని అఘాయిత్యానికి ఒడిగట్టాడని పోలీసులు చెప్పారు. ఈ ఉదంతం గురించి బాధితురాలు తోటి విద్యార్థులకు చెప్పిందని, అయితే విద్యార్థులను బయటకు వెళ్లకుండా సేవాశ్రమ్ ప్రధాన ద్వారానికి తాళం వేయడంతో వారేమీ చేయలేకపోయారని తెలిపారు. సబర్‌ను సస్పెండ్ చేశారు.