Posted: 11/09/2012 12:59 PM IST

నగరంలోని లక్డీకాపూల్‌లో ఉన్న డిజిపి కార్యాలయం ఎదుట నడిరోడ్డుపై ఆటోలో .6,70,50,000 రూపాయలను గుర్తు తెలియని వ్యక్తులు వదిలి వెళ్లిపోయిన మిస్టరీ వీడింది. ఆ డబ్బుకు కేరాఫ్ అడ్రస్ బాల సాయిబాబా ట్రస్ట్‌గా తేలింది. ఇందుకు సంబంధించి వివరాలు ఇలా ఉన్నాయి. డిజిపి కార్యాలయం ముందు ఆటో ఆగిపోవడంతో తనిఖీ చేసేందుకు వచ్చిన సెక్యూరిటీ సిబ్బందిని చూసి డబ్బున్న బ్యాగులను వదిలి పారిపోగా వాటిని స్వాధీనం చేసుకుని సైఫాబాద్ పోలీసులకు అప్పగించిన సంగతి తెలిసిందే. అయితే ఎందుకు ఇంత భారీ మొత్తాన్ని ఆటోలో తరలించాల్సి వచ్చింది, ఆటోలో ఉన్న వారు ఎందుకు పోలీసులను చూపి భయపడి వదిలిపోయారనేది ఇంకా ప్రశ్నార్థకంగానే ఉంది. హైదరాబాద్‌లోని దోమలగూడలో నివసించే కర్నూలుకు చెందిన రియల్‌ఎస్టేట్ వ్యాపారి, బాలసాయిబాబా ట్రస్ట్ చైర్మన్ రామారావు ఈ సొమ్ము తనదేనని పోలీసుల ముందుకు వచ్చి చెప్పడంతో అతనిని పలు కోణాల్లో విచారిస్తున్నారు. నిజంగా ఆ సొమ్ము రామారావుదే అయితే అంత భారీ మొత్తాన్ని కారులో తీసుకెళ్లాల్సి ఉండగా, ఆటోలో తరలించడం ఏమిటనేది ఇంకా స్పష్టం కాలేదు. ఈ సొమ్మంతా లెక్కల్లోకి వచ్చిన ఆదాయమా..? లేక లెక్కల్లోకి రాని ఆదాయమా..? అనేది కూడా నిర్ధారణ చేయాల్సి ఉందని చెబుతున్నారు. అన్ని ఆధారాలను పరిశీలించుకున్న తర్వాతే ఈ సొమ్ము రామారావు చెబుతున్నట్లు నిజంగా ఆయనదా కాదా అనేది కూడా తేలాల్సి ఉందని ఆయా వర్గాలు