Posted: 09/07/2012 06:35 PM IST

దేశం నెత్తిన ఉన్న మొత్తం అప్పు  ఎంతన్నది  సెంట్లూ  డాలర్లతో  సహా పౌరులకు  ఏ క్షణానికి ఆ క్షణం  వివరంగా  చెప్పేందుకు  దాదాపు  రెండు దశాభ్దాలుగా న్యూయార్క్  నగరంలో  నేషనల్  డెట్  క్లాక్ ను  నిర్వహిస్తున్నారు.  న్యూయర్క్ లోని మన్ హటన్  వద్ద గల అంతర్గత  రెవెన్యూ సేవల విభాగం  కార్యాలయం  వద్ద గోడకు  ఉండే ఈ భారీ గడియారం.. ఈ 2012 సెఫ్టెంబరు  6, మధ్యాహ్నం 3.25.28 సెకన్లకు చూపిస్తున్న మొత్తం అప్పు ఇది. 16,014,764,018,291.85 డాలర్లలో ఉంది.  ఈ అప్పులో ప్రతి  కుటుంబానికి  ఎంత వాటా ఉందన్నది  కూడా చెబుతుంటే ఈ భారీ అప్పుల గడియారానికి  పెద్ద చరిత్రే ఉంది. దేశం అప్పుల్లో కూరుకుపోతుండటం చూసి కలత చెందిన స్తిరాస్థి వ్యాపారి  సేమూర్  డ్రస్ట్ 1989లో  టైమ్స్ స్క్వేర్  సమీపంలో  దీన్ని ఏర్పాటు  చేశారు.  అప్పట్లో  దేశం అప్పు సుమారు 3 ట్రిలియన్ డాలర్లు. 2000-2002 మధ్య అప్పు తగ్గుముఖం పట్టడంతో  ఈ గడియారాన్ని మూసేశారు.  2004లో  దీన్ని మళ్లీ  ఇప్పుడున్న  ప్రదేశంలో  ఏర్పాటు  చేశారు. 2008లో అప్పు మొట్టమొదటిసారిగా  10 ట్రిలియన్లు దాటిపోయింది, దీనిలో అన్ని అంకెలు  పట్టే చోటు లేక దాన్ని  మళ్లీ మార్చారు.