Posted: 07/26/2012 02:44 PM IST

       గాలి బెయిల్ దెబ్బకు తుత్తునియలైన మాజీ జడ్జిల కష్టాలు కొనసాగుతున్నాయి. గాలి జనార్దనరెడ్డి బెయిల్ కేసులో అరెస్ట్ అయిన మాజీ జడ్జిలు లక్ష్మీ నరసింహారావు,ప్రభాకర్ రావుల రిమాండ్ ను న్యాయస్థానం ఇవాళ పొడిగించింది. వారిద్దర్ని అధికారులు గురువారం ఏసీబీ కేసుల ప్రత్యేక కోర్టులో హాజరుపరిచారు. ప్రత్యేక కోర్టు జడ్జి ఆగస్ట్ 9వ తేదీ వరకు జ్యుడీషియల్ రిమాండ్ విధించటంతో వారిద్దర్నీ తిరిగి చర్లపల్లి జైలుకు తరలించారు. ఓబుళాపురం మైనింగ్ కంపెనీ కేసులో అరెస్టయిన కర్ణాటక మాజీ మంత్రి గాలి జనార్దన్‌డ్డికి సీబీఐ కేసుల ప్రత్యేక కోర్టు జడ్జిగా పనిచేసిన పట్టాభి రామారావు మే 11న బెయిల్ మంజూరు చేసిన విషయం తెలిసిందే. బెయిల్ మంజూరులో ఆరోపణలు రావటంతో సీబీఐ అధికారులు హైకోర్టు అనుమతి తీసుకుని విచారణ చేపట్టారు. అనంతరం ఆ కేసును న్యాయస్థానం ఏసీబీకి బదిలీ చేసింది.

...avnk