Posted: 07/10/2012 01:37 PM IST

భారత్ పట్టి పీడిస్తూ, అమాయక ప్రజల ప్రాణాలు బలిగొంటున్న మలేరియా వ్యాధికి పరిష్కారం లభించింది. ఈ మందును నెబ్రాస్కా యూనివర్శిటికి చెందిన పరిశోధకులు కనిపెట్టారు. దీనికి భారత వైద్య మండలి ఔషధం వినియోగానికి ఆమోదం తెలిపింది. దీని పేరు 'సిన్రియం టీఎం'. ప్రస్తుతం వినియోగిస్తున్న మందులకన్నా ఇది చవకైనది, మరింత శక్తిమంతమైనది కావడం విశేషం. చికిత్సలో భాగంగా మూడు రోజులపాటు రోజుకో మాత్ర వేసుకుంటే సరిపోతుందని తెలిపారు. బిల్‌గేట్స్ ఫౌండేషన్, జపాన్ స్వచ్ఛంద సంస్థ 'ఎంఎంవీ' అందించిన నిధులతో పదేళ్లపాటు ఈ ఔషధాన్ని తయారుచేశారు. స్విట్జర్లాండ్, ఆస్ట్రేలియా నిపుణులూ ఇందులో పాలుపంచుకున్నారు. మలేరియాను ఎదుర్కొనడానికి 'సిన్రియం' కంటే శక్తిమంతమైన మరో ఔషధంపై రెండో దశ ప్రయోగాలు జరుగుతున్నాయని, సమీప భవిష్యత్తులో అది కూడా అందుబాటులోకి వస్తుందని వెల్లడించారు.