Posted: 05/29/2012 03:58 PM IST

ప్రస్తుతం అమలు చేయబోతున్న ఈ ఐడియాని చూస్తే... సామెత మాదిరి ఉంది. తనకు చేతకాక ఆ ప్రాంతంలో ఉన్న సమస్యలకు వినూత్న పరిష్కారం కనుగొమని ప్రజలకే సూచిస్తుంది. విషయం ఏంటంటే... ఏదైనా సమస్య పరిష్కారానికి మీ దగ్గర ఓ అద్భుతమైన ఐడియా ఉందా!? మీరు చెవినిల్లు కట్టుకుని చెబుతున్నా ఎవరూ పట్టించుకోవడం లేదా!? మీరు నిరాశ చెందొద్దు! మీ ఐడియాను ప్రభుత్వానికి చెప్పండి! ఆ సమస్య పరిష్కారం కావడమే కాదు.. మీకు పెద్దఎత్తున నగదు బహుమతి కూడా రానుంది!

ఈ మేరకు కేంద్ర ప్రభుత్వం 'ఒక ఎంపీ - ఒక ఐడియా' పేరిట కొత్త పథకానికి శ్రీకారం చుట్టింది. పార్లమెంటు సభ్యుల ప్రాంతీయ అభివృద్ధి పథకం (ఎంపీ ల్యాడ్స్) కింద కేంద్ర గణాంకాలు, కార్యక్రమాల నిర్వహణ శాఖ ఈ పథకాన్ని ప్రకటించింది. స్థానిక సమస్యలకు వినూత్న పరిష్కారాలను కనుగొనేందుకు ఈ పథకాన్ని చేపడుతున్నట్లు కేంద్ర కార్యక్రమాల నిర్వహణ శాఖ మంత్రి శ్రీకాంత్ జెనా సోమవారం ప్రకటించారు. ఒక్కో లోక్‌సభ నియోజకవర్గంలోని స్థానిక ప్రజల నుంచి వివిధ సమస్యలకు వినూత్న పరిష్కారాలను సేకరించి.. ఏటా మూడు ఉత్తమమైన ఆలోచనలకు నగదు బహుమతిని అందజేస్తామని తెలిపారు. ఈ పథకాన్ని ఆయా లోక్‌సభ సభ్యుల విజ్ఞప్తిమేరకు వారి నియోజకవర్గాల్లో అమలు చేస్తామన్నారు. వచ్చిన పరిష్కారాలను నిపుణుల కమిటీ పరిశీలిస్తుందని, మూడు ఉత్తమ పరిష్కారాలను ఎంపిక చేస్తుందని, ఎంపికైన వాటిలో మొదటి బహుమతి కింద రూ.2.5 లక్షలు; రెండో బహుమతి కింద రూ.1.5 లక్షలు; మూడో బహుమతి కింద రూ.1 లక్ష అందజేస్తామని తెలిపారు. ఈ బహుమతులను ఎంపీ ల్యాడ్స్ నిధుల ద్వారా అందజేస్తామన్నారు. వీటితోపాటు ఐదు వినూత్న పరిష్కారాలకు ప్రోత్సాహక సర్టిపికెట్లు ఇస్తామని తెలిపారు.

ఇలా ఆశ పెట్టించి వినూత్న ఐడియాలు అన్నీ తెలుసుకొని చివరకు ఐడియాలు ఇచ్చిన వారికి హ్యాండ్ ఇవ్వదు కదా ?