Posted: 05/23/2012 06:26 PM IST

దివంగత ముఖ్యమంత్రి రాజశేఖర్ రెడ్డి అనుంగ మిత్రుడు, ఆత్మగా చెప్పుకునే కేవీపీ రామచంద్రరావు ఆయన మరణించినటప్పటి నుండి పెద్దగా వార్తల్లో లేదు. కానీ ఉన్నట్లు ఉండి ఓ కొత్త అంకానికి తెరలేపారు. కొన్ని సంవత్సరాలుగా ఆయన వెంట ఉన్న కేవీపీ ఇప్పటి వరకు ఎన్నికల ప్రచారంలో పాల్గొనలేదు. గతంలో జరిగిన ఎన్నికక ప్రచారంలో కూడా పాల్గొనలేదు. కానీ ఉన్నట్లుండి ప్రచారనికి నేను సైతం అంటున్నాడు.

ఆయన గుంటూరు జిల్లా ప్రత్తిపాడు నియోజకవర్గంలో కాంగ్రెస్ అభ్యర్థి టీజేఆర్ సుధాకర్‌బాబు తరఫున రంగంలోకి దిగి స్వయంగా ప్రచారం చేయనున్నారు. అదికూడా.. తన ఆత్మబంధువు వైఎస్ కుమారుడు జగన్ కూడా అదే జిల్లాలో ప్రచారంలో ఉండగా...? ఎప్పుడు తెర వెనుక ఉండి వ్యవహారాలను నడిపిన కేవీపీ ఇప్పుడు ఎన్నికల ప్రచారంలో పాల్గొంటుండటంతో సర్వత్రా ఆసక్తి నెలకొంది.