Posted: 05/22/2012 04:55 PM IST

టీఎన్జీఓ హౌజింగ్ సొసైటీలో భూములు గచ్చిబౌలి, గోపన్నపల్లి భూముల కేటాయింపులో అక్రమాలు జరిగాయని వచ్చిన ఆరోపణల పై హైకోర్టు విచారణ చేపట్టి నివేదిక ఇవ్వాలని చెప్పిన విషయం తెలిసిందే. ఈ నివేదిక పై విచారణ చేపట్టిన సహకార శాఖ అధికారి కిరమ్మయి నివేదికను సమర్పించారు. ఇళ్ల స్థలాల కోసం ప్రభుత్వం ఇచ్చిన భూమి వ్యవహారంలో సంఘం బాధ్యులు పెద్ద ఎత్తున అవకతవకలకు పాల్పడినట్లు సహకార శాఖ సంయుక్త కార్యదర్శి డాక్టర్ కిరణ్మయి ఆ నివేదికలో పేర్కొన్నారు.

ఇందులో అవకతవకలకు బాధ్యుడుగా ఆరోపణలు ఎదుర్కొంటున్న టీఎన్జీఓ నేత స్వామి గౌడ్ ఈ నివేదికతో చిక్కుల్లో పడే అవకాశాలు కనిపిస్తున్నాయి. హైదరాబాద్ వారికి కాకుండా జిల్లాల ఉద్యోగులకు కూడా ప్లాట్లను చట్ట విరుద్దంగా కేటాయించినట్లు నిర్ధారణ అయింది. తెలంగాణ ఉద్యమం సందర్భంగా రాజకీయ నేతలపై తీవ్ర స్థాయిలో ఆరోపణలు గుప్పించిన స్వామిగౌడ్ ఇప్పుడు ఈ వివాదంలో చిక్కుకోవడం, విచారణ నివేదిక తమకు వ్యతిరేకంగా ఉండడం స్వామిగౌడ్ తదితరులకు ఇబ్బందిగా మారవచ్చు. అవసరమైతే అరెస్టు కావచ్చు అన్న ఊహాగానాలు వస్తున్నాయి.