Posted: 05/17/2012 12:46 PM IST

రాజ్యసభ సభ్యుడు, కాంగ్రెస్ పార్టీ నాయకుడు చిరంజీవి శ్రీ పొట్టి శ్రీరాములు నెల్లూరు జిల్లాలో ఉప ఎన్నికల ప్రచారానికి తిరుపతి మీదుగా వెళుతూ అక్కడ ఆగి విలేఖరులతో మాట్లాడాడు. ఈ సందర్భంగా ఆయన వైయస్సార్ పార్టీ అధ్యక్షుడు జగన్ మోహన్ రెడ్డి పై విమర్శలు చేశాడు. కొంతరి స్వలాభం కోసం ఈ ఉప ఎన్నికలు వచ్చాయని, పెద్ద పెద్ద పారిశ్రామిక వేత్తలను తమ స్వార్థం కోసం బలి చేసి జైలు పాలు చేశారని జగన్ ని, వైయస్ రాజశేఖర్ రెడ్డిని ఉద్దేశించి అన్నారు. 

అవినీతి, అక్రమాల బురదలో కూరుకుపోయిన వారు తమకూ ఆ బురద అంటించేందుకు ప్రయత్నాలు చేస్తున్నారని మండిపడ్డారు. ఉప ఎన్నికల గందరగోళానికి కొందరి అధికార దాహమే కారణమన్నారు. ఈ నెల 28న కోర్టుకు హాజరు కావాలని జగన్‌కు సమన్లు జారీ అయిన విషయం తెలిసిందే. దీన్ని ద్రుష్టిలో పెట్టుకొని ఈ నెల 28 తర్వాత ఏమైనా జరగవచ్చునని (అరెస్ట్) చిరంజీవి అన్నారు.