Posted: 05/09/2012 06:32 PM IST

మనదేశంలో గర్భణి మహిళల ఆరోగ్య పరిస్థితి రోజురోజుకు దిగజారి పోతుందనడానికి తాజా సర్వేనే నిదర్శనం. సంక్షేమానికి పెద్దపీట వేస్తున్నామని చెప్పుకునే ప్రభుత్వాలకు చెంపపెట్టు. ప్రపంచంలో పెద్దగా అభివృద్ధి చెందని 80 దేశాల జాబితాలో భారత్ ఈ విషయంలో 76వ స్థానంలో నిలవడం దీన్నే తెలియజేస్తోంది. ముఖ్యంగా గత ఏడాది 75వ స్థానంలో నిలిచిన భారత్ ఈసారి మరో స్థానం దిగజారడం ఆందోళన కలిగిస్తోంది. ‘ప్రపంచంలో తల్లుల పరిస్థితి-2012’ పేరిట సేవ్ ద చిల్డ్రన్ అనే అంతర్జాతీయ ఎన్జీవో సంస్థ మదర్స్ డే సందర్భంగా మంగళవారం ఈ నివేదికను విడుదల చేసింది. దీని ప్రకారం... దేశంలో ప్రతి 140 మంది గర్భిణుల్లో ఒకరు ప్రసవం సమయంలో మరణించే అవకాశాలు ఎక్కువగా ఉన్నట్లు తేలింది. చైనాలో ఈ సంఖ్య ప్రతి 1,500లో ఒకరిగా ఉండగా, శ్రీలంకలో ప్రతి 1,100 మందిలో ఒకరిగా మయన్మార్‌లో ప్రతి 180 మందిలో ఒకరిగా ఉంది.