Posted: 04/28/2012 11:41 AM IST

        జూన్ 14న రామ్ చరణ్ వివాహం జరుగుతుందని, 15న అభిమానలకు రిసెప్షన్ ఏర్పాటు చేస్తున్నట్టు మెగాస్టార్ చిరంజీవి తెలిపారు. కొద్ది సేపటిక్రితం ఆయన విశాఖపట్నంలో మీడియాతో మాట్లాడారు. ఉపఎన్నికల అభ్యర్థుల ఎంపిక విషయంలో కాంగ్రెస్ ఆచితూచి అడుగులు వేస్తుందని ఈ రాజ్యసభ సభ్యుడు , చిరంజీవి వెల్లడించారు.  రెండు మూడు రోజుల్లో అభ్యర్ధుల విషయంపై తుది నిర్ణయం రావచ్చునని ఆయన ఆశాభావం వ్యక్తం చేశారు. ఈ ఉదయం విశాఖ వచ్చిన చిరంజీవి పలు అంశాలమీద మాట్లడారు. తిరుపతి అభ్యర్థి కోసం తాను ఎవరిని సిఫార్సు చేయలేదని, తన కుటుంబ సభ్యులు ఎవరూ పోటీ చేయరని చిరు స్పష్టం చేసారు. రాజ్యసభ ఎంపిగా ఉన్న తనను మంత్రిగా చేయాలన్నది అధిష్టానం నిర్ణయమని ఈ విషయంలో ఎలాంటి డిమాండ్లు లేవనన్నారు. గత ఎన్నికల్లో ఓటమి పాలైన పీఆర్పీ అభ్యర్థులను ఉపఎన్నికల కోసం పరిగణనలోకి తీసుకోవాలని ఆశిస్తున్నట్లు చిరంజీవి తెలిపారు. అనంతరం చిరంజీవి తూర్పు గోదావరి జిల్లా పర్యటనకు బయల్దేరి వెళ్లారు. అక్కడ పలు కార్యక్రమాల్లో చిరు పాల్గొంటారు. కార్యకర్తలతో సమావేశమవుతారు.

...avnk