Posted: 04/26/2012 10:02 PM IST

                 జగన్‌తో కేసీఆర్ కుమ్మక్కయ్యి చాలా పెద్ద కుట్రనే పన్నుతున్నారని విమర్శిస్తున్నారు ఇటీవల కాలంలో చాలా మంది కాంగ్రెస్, టీడీపీ నేతలు. అయితే ఇవాళ తాజాగా, ఇదే అంశంమీద వీరశివారెడ్డి విరుచుకుపడ్డారు. జగన్-కేసీఆర్  రాష్ట్రాన్ని రెండు ముక్కలు చేయాలని చూస్తున్నారని, ఎమ్మెల్యే వీరశివారెడ్డి తీవ్రస్థాయిలో మండిపడ్డారు.  సమైక్యవాదులు ఈ విషయాన్ని గుర్తించాలన్నారు. పరిటాలరవి, సూరి హత్యల నిందితులతో జగన్‌కు సంబంధాలు ఉన్నాయని, దీనిపై మరోసారి విచారణజరపాలని ఎమ్మెల్యే డిమాండ్ చేశారు.
             ఇదిలా ఉండగా మరోవైపు  తెలుగుదేశం పార్టీ ఎమ్మెల్యే పరిటాల రవి హత్యలో జగన్ హస్తం ఉందని, అనంతపురం కోర్టు తీర్పుతో అదే రుజువైందని టీడీపీ నేతలు ధూళిపాళ్ల నరేంద్ర, కోడెల శివప్రసాద్ విమర్శించారు. నేర చరిత్రతో జగన్‌కు విడదీయరాని సంబంధముందన్నారు. మంగలి కృష్ణతో జగన్‌కు లింకుందని సీబీఐ ఏప్పుడో చెప్పిందని, జగన్‌కు ఓటేస్తే భస్మాసుర హస్తంలో చిక్కుకున్నటే  అని నేతలు ఆరోపించారు. జగన్ వంటి మేకవన్నె పులులను తరిమికొట్టాలని టీడీపీ నేతలు ధూళిపాళ్ల నరేంద్ర, కోడెల శివప్రసాద్ తీవ్రవిమర్శలు చేశారు.

...avnk