Posted: 04/24/2012 10:38 AM IST

                 విద్యార్థులతో పాటు వారి పేరెంట్స్ కూడా ఎంతో ఆసక్తిగా ఎదురు చూస్తోన్న ఇంటర్మీడియెట్ ద్వితీయ సంవత్సరం పరీక్ష ఫలితాలు మంగళవారం విడుదలయ్యాయి. ఇంటర్ బోర్డు కార్యాలయంలో మాధ్యమిక శాఖ మంత్రి పార్థసారధి ఫలితాలను ఈ ఉదయం 10 గంటలకు విడుదల చేశారు. బాలికల ఉత్తీర్ణత 61.25 శాతం కాగా బాలుర ఉత్తీర్ణత 55.95 శాతం ఉత్తీర్ణులయ్యారు. గత ఏడాదితో పోల్చితే ఈ ఏడాది 4.98 శాతం ఉత్తీర్ణత తగ్గింది. 74 శాతంతో కృష్ణాజిల్లా ప్రథమ స్థానంలో నిలవగా, 43 శాతం ఉత్తీర్ణతతో నిజామాబాద్ చివరి స్థానంలో ఉంది.
           ఈ దఫా విద్యార్థులు, తల్లిదండ్రులు, సాధారణ ప్రజల సౌకర్యార్థం మార్కులు/గ్రేడులతో సహా ఫలితాలను ఇంటర్‌నెట్‌లో అందుబాటులో ఉంచారు. తామన్నారు. ఈ-సేవా కేంద్రాల్లోని 'పరిష్కారం కాల్ సెంటర్' ద్వారా ఫలితాలను రాష్ట్రంలోని ఏ బీఎస్ఎన్ఎల్ ల్యాండ్ లైన్ ద్వారానైనా 1100కు డయల్ చేసి కూడా తెలుసుకునే సదుపాయం కల్పించారు. అలాగే రాష్ట్రంలోని ఏదేని ల్యాండ్‌లైన్/మొబైల్ నుంచి 18004251110కు ఫోన్‌చేసి గానీ, ఈ-సేవ/మీసేవ/రాజీవ్ సిటిజన్ సర్వీస్ సెంటర్ల నుంచి గానీ తెలుసుకోవచ్చు. రాష్ట్రంలోని ఏపీ ఆన్‌లైన్ సెంటర్ల నుంచి కూడా ఫలితాలను తెలుసుకోవచ్చు.

...avnk