అమ్మకానికి ఇల్లు.. అమ్మకానికి కారు.. అమ్మకానికి అది.. అమ్మకానికి ఇది... అంటూ మీరు సవాలక్ష ప్రకటనలు చూసే ఉంటారుగానీ, ఇది మరీ విడ్డూరం! ఫ్రాన్సులో ఏకంగా ఒక ఊరు మొత్తం అమ్మకానికి సిద్ధమైంది. అదీ ఎక్కడో మారుమూల కాదు... ఆ దేశం నడిబొడ్డున ఉన్న చిన్న పల్లెటూరు కౌర్బెఫీ.
ఈ ఊరికి సమీపంలో 13వ శతాబ్దం నాటి కోట శిథిలాలు, ఒక పురాతన చాపెల్ కూడా ఉన్నాయి. అమ్మకానికి పెట్టిన ఊరంటే పాడుబడిపోయిందనుకునేరు... ఎంచక్కా 19 ఇళ్లు, స్విమ్మింగ్పూల్, ఒక కమ్యూనిటీ హాలు, టెన్నిస్ కోర్టులు, గుర్రాల శాలలు... కాస్తంత మంచు ఎక్కువగానీ, ఆ వైభోగమే వేరులే! ఇన్ని ఉన్నాయి కదాని రేటు ఎక్కువ అనుకుంటే పొరబాటే! ధర బహు సరసం. మన కరెన్సీలో చెప్పుకోవాలంటే... రూ.కోటీ తొంభై రెండు లక్షల చిల్లర!! మరీ ఇంత చీపా అని ఆశ్చర్యపోకండి.. ఇంకా చాలా ఉంది. ఈ ఊరికి దగ్గరలో, అంటే 30 కిలోమీటర్ల దూరంలో లైమోజెస్ అనే పెద్ద పట్టణం ఉంది.
అక్కణ్నుంచి అక్కణ్నుంచి ఫ్రాన్స్ రాజధాని పారిస్కి రైలు, రోడ్డు మార్గాలున్నాయి. మరి ఇన్ని హంగులున్న ఈ ఊరికి ఇంత దుర్గతి ఎందుకు పట్టిందో తెలుసా? వలసల కారణంగా! 1970ల్లో ఇక్కడి యువత ఉద్యోగాల కోసం పట్టణాల బాట పట్టడం, పిల్లలు అక్కడ స్థిరపడి తల్లిదండ్రులను తమ వద్దకు రప్పించుకుంటుండడంతో... రెండు దశాబ్దాల్లో ఊరు ఖాళీ అయిపోయింది. దీంతో ఫ్రాన్సు ప్రభుత్వం 1990ల్లో ఈ ఊరిని పర్యాటక కేంద్రంగా మార్చాలనే ప్రణాళికలు వేసిందిగానీ కుదరలేదు. క్రమేపీ దొంగలు, జూదరులు, తాగుబోతులకు ఈ ఊరు ఆవాసమైపోయింది. ఇక, కౌర్బెఫీకి పూర్వవైభవం రావాలంటే దాన్ని అమ్మేయడమే మార్గమని నిశ్చయించిన ప్రభుత్వం ఆ ప్రయత్నాల్లో పడింది. సంబంధిత అధికార వర్గాలు సోమవారమే ఈ అమ్మకం ప్రకటన చేసినప్పటికీ ఇంతవరకూ ఎవరూ కొనడానికి ముందుకురాకపోవడం గమనార్హం.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more