Posted: 02/06/2012 11:17 AM IST

తమ పార్టీ చిహ్నం ఏనుగు కాంగ్రెస్‌ నాయ కుడు రాహుల్‌గాంధీని ఆయన కలల్లో వెంటాడి వేధిస్తోందని బహుజ న్‌ సమాజ్‌పార్టీ (బీఎస్పీ) జాతీయ ప్రధాన కార్యదర్శి సతీష్‌ చంద్ర మిశ్రా చెప్పారు. తమ పార్టీ త్వరలో దేశ రాజధానిలో పాగా వేసేందుకు రంగం సిద్ధమైందని ఆయన తెలిపారు. ‘ఆయన (రాహుల్‌) విదేశాల్లో తిరుగుతూ ఉత్తరప్రదేశ్‌లో ఉండేవారిని బిచ్చ గాళ్లని అంటుంటారు. ఆయన ఉత్తరప్రదేశ్‌లో ఏం చేస్తున్నారు?’ అని మిశ్రా ఒక ఎన్నికల ర్యాలీలో కాంగ్రెస్‌ నాయకుడిని ప్రశ్నిం చారు. బీఎస్పీ అధినేత్రి మాయావతి పేరు వినిపించిన తాజ్‌ కారిడార్‌ ప్రాజెక్టు గురించి మాట్లాడుతూ మిశ్రా అసలా ప్రాజెక్టు ఉత్తరప్రదేశ్‌ మాజీ ముఖ్యమంత్రి రాజ్‌నాథ్‌సింగ్‌దని, మాయావతిది కాదని అన్నారు. ఇతర రాష్ట్రాల నుంచి విద్యుత్‌ను అడగాల్సిన అవసరం ఉత్తరప్రదేశ్‌కు కలగదని, 2014 నాటికి ఎలక్ట్రిసిటీ విషయంలో తన కాళ్లపై తను నిలబడుతుందని, 2020 నాటికి ఇతర రాష్ట్రాలకు విద్యుత్‌ను ఎగుమతి చేసే స్థితికి చేరుకుంటుందని ఆయన చెప్పారు. బీఎస్పీ ఎప్పుడూ కూడా సౌభ్రాతృత్వాన్ని పెంచిపోషించిందని, తమ హయాంలో ఎన్నడూ మత కలహాలు లేదా ఎలాంటి హింసా జరగలేదని ఆయన చెప్పారు.