Posted: 01/23/2012 08:26 PM IST

    కాంగ్రెస్ పార్టీ జాతీయ ప్రధాన కార్యదర్శి, ఎంపీ రాహుల్ గాంధీపై బూటు విసిరాడో యువకుడు. ఉత్తరాఖండ్ రాష్ట్రంలోని డెహ్రాడూన్ లో ఈ అపస్రుతి చోటుచేసుకుంది. ఎన్నికల ప్రచారంలో భాగంగా వికాస్ నగర్ లో నిర్వహించిన ర్యాలీలో రాహుల్ పై ఓ యువకుడు షూ విసిరాడు. దీంతో ఒక్కసారిగా ఖిన్నులైన భద్రతా సిబ్బంది అప్రమత్తమై ఆ యువకుడిని అదుపులోకి తీసుకునేందుకు యత్నించారు. ఈ హడావిడిలో అక్కడి కాంగ్రెస్ కార్యకర్తలు  ఆ యువకునిపై దాడికి యత్నించారు. అయితే రాహుల్ గట్టిగా అరుస్తూ అతన్ని ఏమీ చేయకండని చెప్పటం విశేషం.

  గతంలోనే ఈ సంస్క్రుతికి తెరలేచినప్పటికినీ ఈ మధ్య కాలంలో అంటే 2008 లో అప్పటి అమెరికా ప్రధాని జార్జి డబ్ల్యూ బుష్ మీద ఇరాకీ జర్నలిస్ట్  మౌన్తధర్ అల్ జియాది నూరి బూటు విసిరి సంచలనం రేకెత్తించింది మొదలు, మన జాతీయ నేతలపైనా చెప్పులు విసురుడు కొనసాగుతోంది. ఈ బాధితుల్లో  మన ప్రధాని మన్మోహన్ సింగ్ తో పాటు, బీజేపీ సీనియర్ నేతల అద్వానీ, కేంద్ర హోం మంత్రి పి. చిదంబరం, శరద్ పవార్, అప్పటి కర్ణాటక ముఖ్యమంత్రి యడ్యూరప్ప, నవీన్ జిందాల్, ఒమర్ అబ్దుల్లా తదితరులు ఈ జాబితాలో ఉన్నారు. తాజాగా రాహుల్ గాంధీకూడా ఈ లిస్ట్ లో చేరిపోయారు.

…avnk