Posted: 01/22/2012 07:32 PM IST

  వికలాంగుల సంక్షేమానికి ముఖ్యమంత్రి కిరణ్ కుమార్ రెడ్డి మరో ముందడుగు వేశారు. వీరి స్వయం ఉపాధికి సబ్సిడీ పెంచుతూ నిర్ణయం తీసుకున్నారు. ఇప్పటివరకూ వీరికి కేవలం 3వేలు మాత్రమే గరిష్టంగా సబ్సిడీ లభించేది. తాజాగా వికలాంగులు పెట్టే స్వయం ఉపాది యూనిట్ల కోసం ఇచ్చే సబ్సిడీని ఎస్సీ, ఎస్టీ, లబ్దిదారులతో సమానంగా అంటే 30వేలకు పెంచాలని నిర్ణయించారు.

ఈ ప్రభుత్వ నిర్ణయంతో స్వయం ఉపాది కోసం పలు రకాల యూనిట్లు స్థాపించాలనుకునే వికలాంగులకు చాలా ఊరట లభించినట్లైంది. మరో విశేషం ఏమంటే ఇప్పటివరకూ ఏడాదికి మూడున్నర వేల మంది లభ్దిదారులకు మాత్రమే ఈ సబ్సిడీ లభించేది. ఇప్పుడు ఈ పరిమితిని పెంచేందుకు కూడా సీంఎం సానుకూలంగా స్పందించారు. దీనికి సంబంధించి అధికారిక ఉత్తర్వులు త్వరలో వెలువడనున్నాయి.

…avnk