Posted: 01/17/2012 11:10 AM IST

తన కెమెరాలో ఎన్నో అపూర్వ దృశ్యాలను బంధించి ప్రపంచ ఖ్యాతి గడించిన భారతీయ తొలి మహిళా ఫొటో జర్నలిస్టు హొమై వ్యారవల్లా ఇక లేరు. కొన్నాళ్లుగా అనారోగ్యంతో బాధపడుతున్న ఆమె గుజరాత్లోని వడోదరలోని ఓ ప్రైవేటు ఆస్పవూతిలో ఆదివారం మధ్యాహ్నం తుదిశ్వాస విడిచారు. 1913లో గుజరాత్లోని నవసరీలో జన్మించిన వ్యారవల్లా 1930 నుంచి ఫొటో జర్నలిస్టుగా ప్రస్థానాన్ని ప్రారంభించారు. ఆడవారు ఇళ్లు విడిచి బయటకు రాలేని నాటి పరిస్థితుల్లోనూ ఆమె ఎంతో సాహసంగా ఫొటో జర్నలిజాన్ని వృత్తిగా ఎంచుకున్నారు. 

స్వాతంత్య్ర పోరాట దృశ్యాలతో పాటు, మహాత్మా గాంధీ, నెహ్రూ వంటి మహానుభావుల ఛాయచివూతాలను వ్యారవల్లా తన కెమెరాలో బంధించారు. రాణి ఎలిజిబెత్-2, అమెరికా మాజీ అధ్యక్షుడు ఐసన్ ఓవర్ల భారత పర్యటనలను కూడా చిత్రీకరించారు. ముంబై, ఢిల్లీల్లోని పలు పత్రికల్లో ఆమె తీసిన ఫొటోలు ప్రముఖంగా ప్రచురితమయ్యేవి. మహాత్మాగాంధీ అంతిమయావూతకు సంబంధించి వ్యారవల్లా తీసిన ఫొటోలు ప్రతి ఒక్కరినీ కంటతడిపెట్టిస్తాయి. నాలుగు దశాబ్దాల పాటు అలుపెరగకుండా ఫొటో జర్నలిస్టుగా ఆమె ప్రస్థానాన్ని సాగించారు. 1970లో భర్త చనిపోవడంతో వృత్తికి స్వస్తిచెప్పారు. వ్యారవల్లా అంతిమయాత్ర వడోదరలోని ఖాస్వాడి శ్మశాన వాటికలో జరిగాయి. గుజరాత్ ముఖ్యమంత్రి నరేంద్ర మోడి తన సంతాపాన్ని ట్విట్టర్లో తెలిపారు.