Posted: 01/07/2012 04:16 PM IST

ఢిల్లీలో జరిగిన ఆటో ఎక్స్ పో 2012 అంత ఆకర్షణగా నిలుస్తుందని నిర్వాహకులు కానీ, పోలీసులు కానీ ఊహించలేదేమో కానీ, ఢిల్లీ ప్రగతి మైదాన్ లో గందరగోళం సృష్టించింది. కార్లకి మోటర్ సైకిళ్ళకీ ఇండియాలో మార్కెట్ లో ఖాళీ ఇంకా ఎంతో ఉందని, భారతదేశం మోటార్ వాహనాల అమ్మకాలకు మంచి వేదికని నమ్మిన దేశ విధేశ ఉత్పాదకులు ఈ ఎగ్జిబిషన్ లో తమ ఉత్పాదనలను ప్రదర్శించారు. ఈ ఎగ్జిబిషన్ లో విడుదలైన, భవిష్యత్తులో రాబోతున్న కార్లు, ద్విచక్ర వాహనాలను చూడటానికి తండోపతండాలుగా జనం విరగబడ్డారు. దానితో ట్రాఫిక్ కి అంతరాయం కలగటమే కాకుండా, స్టాల్స్ దగ్గర కూడా నియంత్రణ లోపించి తీవ్ర గందరగోళానికి తావిచ్చింది. స్టాల్స్ ని నిర్వహించేవారితోపాటు మీడియా వారు కూడా అష్టకష్టాలు పడ్డారు.

          లక్షలాది సందర్శకులలో యువత మాత్రమే కాకుండా పెద్దలు చిన్నలు, రిటైరయినవారు, కాలేజ్ స్కూల్ విద్యార్థులు కూడా వ్రూం వ్రూం వ్రూం.... అంటూ పరుగులు తీసే మోటారు వాహనాలను చూడటానికి ఉత్సాహం చూపించారు.

ప్రపంచవ్యాప్తంగా చూసుకుంటే షంఘై తర్వాత ఇదే పెద్ద ఆటో ఎక్స్పో కాబట్టి (సందర్శకుల సంఖ్యాపరంగా), విదేశాలనుంచి కూడా పత్రకారులు వచ్చారు. ఎక్కడబడితే అక్కడ పెవిలియన్లలో కిక్కిరిసివున్న జనాల వలన మీడియావారికి కవర్ చేసే అవకాశం లేకుండా పోయింది. నియంత్రణ, మీడియాను ఎక్కడి నుండి అనుమతించాలి ఇత్యాది విషయాల్లో సెక్యూరిటీకి అవగాహన లేకపోవటం వలన విదేశ పత్రకారులు తీవ్ర అసంతృప్తికి గురయ్యారు.

ఈ ఎగ్జిబిషన్ ను నిర్వహిస్తున్న సోసైటీ ఆఫ్ ఇండియన్ ఆటోమొబైల్ అసోసియేషన్, (ఎస్ఐఏఎమ్), ఆటోమోటివ్ కంపోనెంట్ మాన్యుఫాక్చరర్స్ అసోసియేషన్ ఆఫ్ ఇండియా (ఏసిఎమ్ఏ)లు ఘోరంగా విఫలమయ్యాయని అటో కంపనీలో పని చేసే ఒక ఎగ్జిక్యూటివ్ చెప్పుకొచ్చారు.

-శ్రీజ