Posted: 12/15/2011 09:55 AM IST

దేశంలో పెట్రోలు ధర భగ భగ మండి పోతుంది. ఈ మధ్య కాలంలో కంపెనీలు రేట్లు పెంచుకుంటూ పోతున్నాయి. దానికి ఎన్ని కారణాలు ఉన్నా ప్రభుత్వం మాత్రం వాటిని భరించలేక ప్రజల పైనే భారం వేస్తుంది. మొన్నటికి మొన్న పెట్రోలు రేటు కాస్త తగ్గించాయి. దీంతో వాహనదారులు సంబరం తీరకముందే మళ్ళీ పెంచే యోచనలో ఉన్నాయి. పెట్రోలు ధర తగ్గింది కదాని సంబర పడ్డ అది మూణ్ణాళ్ళ ముచ్చటే అయింది.

నాలుగు సార్లు రూపాయి పెంపు. ఒకసారి ఓ పదిపైసలు తగ్గింపు. ఇది దేశంలో పె ట్రోలు ధరల పరిస్థితి. తాజాగా.. పెట్రోలు ధర మళ్లీ పెరగనుంది. లీటరుకు 65 పైసలు పెంచాలని చమురు కంపెనీలు ఇప్పటికే నిర్ణయించాయి. ఈ పెంపు శుక్రవారం నుంచి అమల్లోకి రానుంది. పడిపోతున్న రూపాయి విలువ చమురు దిగుమతి ధరలపై ప్రభావం చూపుతోంది. ఈ రోజు జరగనున్న సమీక్షలో ధరల పెంపు అంశాన్ని చర్చించనున్నారు. అందులో తీసుకునే నిర్ణయాన్ని బట్టి ధరల పెంపుదల శుక్రవారం నుంచి అమల్లోకి వస్తుంది. ఇటీవల వరుసగా పెట్రోలు ధరలు పెంచుతున్న కంపెనీలు నవంబర్ 16న తొలిసారి రూ.2.22 తగ్గించాయి. డిసెంబర్ ఒకటో తేదీన మరోసారి లీటర్‌కు 78 పైసల చొప్పున తగ్గించాయి.