Posted: 12/13/2011 09:43 AM IST

ఎట్టకేలకు తెలుగు విద్యార్థుల ఆందోళన, భయం తొలగింది. జాతీయ స్థాయి అర్హత, ప్రవేశ పరీక్ష నుండి ఈ సంవత్సరం వైద్య విద్య కోర్సుల విద్యార్థులు నీట్ గా గండం నుండి బయటపడ్డారు.  కామన్ మెడికల్ టెస్ట్‌ను నిర్వహించాలన్న కేంద్రం నిర్ణయాన్ని ఆంధ్రప్రదేశ్‌తో పాటు మహారాష్ట్ర, గుజరాత్, పశ్చిమబెంగాల్, గోవా, పుదుచ్చేరి, అసోం రాష్ట్రాలు తీవ్రంగా వ్యతిరేకించాయి. దాంతో కేంద్రం దిగిరాక తప్పలేదు. నీట్ నిర్వహణను ఏడాది పాటు వాయిదా వేయాలని కేంద్రం ఎట్టకేలకు నిర్ణయిం చింది. ఈ నేపథ్యంలో ఆలిండియా ప్రీ మెడికల్/ప్రీ డెంటల్

ప్రవేశపరీక్షను(ఏఐపీఎంటీ) యథావిధిగా నిర్వహించేందుకు సీబీఎస్ఈ సమాయత్తమవుతోంది.
ఏఐపీఎంటీ ప్రాథమిక పరీక్ష వచ్చే ఏడాది ఏప్రిల్ 1న, తుది పరీక్ష మే 13న జరగనుంది. అంతకుముందు అదే రోజు నీట్ నిర్వహిస్తామంటూ సీబీఎస్ఈ ప్రకటించిన విషయం తెలిసిందే. తమ తరఫున నీట్ నిర్వహించాలంటూ భారత వైద్య మండలి(ఎంసీఐ) కోరడంతో సీబీఎస్ఐ ఆ ప్రకటన చేసింది. నీట్ నిర్వహణపై సుప్రీం తీర్పు వెలువడక ముందే.. కేంద్ర నిర్ణయం వెలువడటం విశేషం.