బంద్ లో పార్టీల ఘర్షణలు-ఏసీబీ సోదాలు

Posted: 10/04/2013 01:23 PM IST

తెలంగాణ రాష్ట్ర ఏర్పాటుకు కేంద్ర మంత్రివర్గం తీసుకున్న నిర్ణయాన్ని నిరసిస్తూ ఆందోళనలతో అట్టుడుకుతోంది.ఎన్జీఓలతో పాటు వివిధ సంఘాలు, రాజకీయ పార్టీలు ఇచ్చిన పిలుపు మేరకు విశాఖలో సంపూర్ణ బంద్ జరుగుతోంది. ఈ రోజు ఉదయం నుంచి నగరంలో వాహనాల రాకపోకలు నిలిచిపోయాయి. ఉద్యమకారుల కమిటీల ఏర్పడి ఎక్కడికక్కడ రాకపోకలను స్తంభింపజేశారు. జగదాంబ జంక్షన్ , కలెక్టరేట్, అశీల్ మెట్ట జంక్షన్ , సత్యం కూడలి, మద్దిలపాలెం, తదితర ప్రాంతాల్లో రోడ్లపై టైర్లకు నిప్పు పెట్టి, కేంద్ర, రాష్ట్ర ప్రభుత్వాలకు వ్యతిరేకంగా నినాదాలు చేశారు. కొన్నిచోట్ల ఉద్రిక్త పరిస్థితులు ఏర్పడ్డాయి. శాంతి భద్రతలకు విఘాతం ఏర్పడకుండా పోలీసులు బందోబస్తు ఏర్పాటు చేశారు. వ్యాపార సంస్థలు, ప్రభుత్వ కార్యాలయాలు, విద్యా సంస్థలు, బ్యాంకులు పూర్తిగా మూత పడ్డాయి.

 

విశాఖలో పార్టీల మద్య ఘర్ణణలు

విశాఖ జగదాంబ సెంటర్ లో తెదేపా, వైకాపా వర్గీయుల మద్య ఘర్షణ చోటుచేసుకుంది. రాష్ట్రాన్ని సమైక్యంగా ఉంచాలని కోరుతూ తెదేపా ఆద్వర్యంలో చేపట్టిన ర్యాలీని వైకాపా శ్రేణులు అడ్డుకున్నారు. ధీంతో ఇరు వర్గాలు పరస్పరం దాడి చేసుకున్నాయి. వెంటనే పోలీసులు రంగంలోకి దిగి.. ఆందోళనకారులను చెదరగొట్టడంతో పరిస్థితి సద్దుమణిగింది.

 

ఏసీబీ సోదాలు

విశాఖ గనుల శాఖ అసిస్టెంట్ డైరెక్టర్ సుబ్రహ్మణ్యం ఇంట్లో ఏసీడీ అధికారులు సోదాలు నిర్వహిస్తున్నారు. ఆదాయానికి మించి ఆస్తులున్నాయన్న సమాచారంతో అధికారులు తనిఖీలు నిర్వహిస్తున్నారు. విజయవాడ, గుంటూరు, ఏలూరు, విశాఖలోని సుబ్రహ్మణ్యం బంధువుల ఇళ్లల్లో కూడా ఏకకాలంలో సోదాలు నిర్వహిస్తున్నారు.