మీరు మీ ప్రేమను ఎవరికైనా వ్యక్తపరిచినప్పుడు వారు అంగీకరించకపోతే.. మీరు భావోద్వేగానికి గురి అవుతారు. అటువంటి సమయాలలో ఏమి చేయాలో తోచక ఉదారకంగా వుంటూ, ఎప్పుడూ బాధపడుతుంటారు. ఈ విషయం మీకు తీవ్ర దిగ్ర్బాంతికి గురిచేస్తుంది. అటువంటి సమయాలలో మనం వారినుండి దూరంగా వెళ్లాలంటే కొన్ని చిట్కాలను పాటించాల్సి వుంటుంది. ఇవి గనుక మీరు సమయాలనుకూలంగా పాటిస్తే.. మీరు గట్టెక్కినట్టే లెక్క. 

మీరు ప్రేమిస్తున్నవారు మిమ్మల్ని ప్రేమించడం లేదనే విషయాన్ని మీకు తెలిసినప్పుడు మీరు చాలా కృంగిపోతారు. ఆ సమయంలో మీ హృదయం, మనసు ఒకదానికొకటి యుద్ధం చేయడం ప్రారంభిస్తాయి. అదెలాగంటే... మీ హృదయం అతనితో గడిపిన సంతోషకరమైన సంఘటనలన గుర్తించడానికి ప్రేరేపిస్తుంది. వారి దగ్గరికి వెళ్లి, వారిని ఎలాగైన రప్పించుకోవాలని గుర్తు చేస్తుంటుంది. అదే సమయంలో మీ మనస్సు మీలోని భావాలను గ్రహించి మిమ్మల్ని వారినుండి దూరంగా తీసుకుకెళ్లడానికి ప్రయత్నిస్తుంది. ఇది గుర్తించిన మీరు ఏమి చేయలేకపోతారు. అప్పుడు ఈ రెండింటి గందరగోళంలో ఒక నిర్ధారణకు రావడానికి కొంత సమయం పడుతుంది. అంటే.. మీరు వారినుండి దూరంగా వుండాలంటే.. సాధ్యమైనంతవరకు వారిగురించి ఆలోచించకుండా, వీలైనంత దూరం వెళ్లాలి. 

ఇలా దూరమైన వారు సాధారణంగా వారి గురించే ఆలోచిస్తుంటారు. మీరు వారినుండి జరిగిన నష్టం గురించి బాధపడుతుంటారు. మీలో కోపం, గందరగోళం, మోసం వంటి అనుభూతులు ఉప్పొంగుతాయి. ఇటువంటి వాటి నుండి మీరు దూరంగా వుండాలంటే సాధ్యమైనంతవరకు నాలుగురితో కలవడానికి ప్రయత్నించండి. ఇంట్లో ఒంటరిగా వుంటూ.. వారిగురించి ఆలోచిస్తూ బాధపడడం కంటే.. నలుగురిలో వెళ్తే మీరు సరదాగా గడపొచ్చు. మీలో వున్న ఒత్తిడిని నుండి బయటపడే అవకాశాలుంటాయి. నలుగురితో మీ సుఖసంతోషాలను పంచుకోవడం వల్ల మీరు ఉత్సాహంగా వుంటారు. 

అలా దూరమైన మీరు జీవితంలో కొత్తదనాన్ని తెచ్చుకోవడం ప్రారంభించండి. కొత్త భాష నేర్చుకోవడం, కొత్త ఒరవడికలు, కొత్తవారితో స్నేహం పెంచుకోవడం, ఒక కొత్త లక్ష్యాన్ని ఏర్పాటు చేసుకోండి. ఆ లక్ష్యాలను సాధించడానికి అవసరమైన ప్రణాళికలను సిద్ధం చేసుకోండి. అప్పుడు మీరు మీ కొత్త జీవితాన్ని నిర్మించుకోవడంలో సంపన్నులవుతారు. 

మీరు వారితో దూరంగా వెళ్లిపోయిన తర్వాత వారికి సంబంధించిన విషయాలను దగ్గర పెట్టుకోకూడదు. వారి తాజా జీవిత విషయాలగురించి పట్టించుకోకుండా మీరు అడుగులు ముందుకు వేయాలి. వారితో వున్న సోషల్ నెట్ వర్కింగ్ కాంటాక్ట్స్ గానీ, ఫోన్ నెంబర్లుగానీ వుంచుకోకుండా తొలగించుకోవాలి. మీ మనసు కుదుటపడిన తర్వాత మీకు సరైన వ్యక్తితో సంబంధాలు పెట్టుకోండి. వారితో మీరు సంతోషంగా వుండగలను అనే భావన కలిగివుంటే ఎటువంటి సందేహం లేకుండా వారిని మీ జీవిత భాగస్వామిగా చేసుకోండి.