ప్రపంచ ఛాంపియన్ షిప్ లలో భారత్ కు నిరాశ

Posted: 08/30/2015 09:28 PM IST

బీజింగ్ లో జరుగుతున్న ప్రపంచ అథ్లెటిక్స్ ఛాంపియన్ షిప్ లో భారత్ కు నిరాశే ఎదురైంది. ఈ ఛాంపియన్ షిప్ లలో భారత్ ఆటగాళ్ల పతకాల వేట ముగిసింది. అథ్లెటిక్స్ ఛాంపియన్ షిప్ లో భారత్ తరపున పలు క్యాటగిరీలలో బరిలోకి దిగిన భారత ఆటగాల్లు మెరుగైన ప్రతిభను కనబర్చి పతకాలను సాధించడంలో విఫలమయ్యారు. దీంతో ఎలాంటి పతకాలను ఖాతాలో వేసుకోకుండానే భారత్ ఆటగాళ్లు వెనుదిరగాల్సిన పరిస్థితి ఉత్పన్నమైయ్యింది.

పతకం మీద ఆశలు రేపిన వికాస్ గౌడ నిరశపరచగా.. ఆదివారం మారథాన్ లో భారత అథ్లెట్లు నేషనల్ రికార్డుతో సరిపెట్టుకున్నారు. ఓపీ జైషా 2:34:43 టైమింగ్ తో నేషనల్ రికార్డు నెలకొల్పింది. మరో రన్నర్ సుధాసింగ్ 2:35:35తో వ్యక్తిగత రికార్డు మెరుగుపరుచుకుంది. దీంతో భారత్ పతకాల జాబితాలో చిట్ట చివరి స్థానంతో సరిపెట్టుకుంది. ఇక లాంగ్ డిస్టెన్స్ రన్నింగ్ లో తిరుగులేని ఆధిపత్యం ప్రదర్శించే ఇధియోపియా నుంచి మారే డిబాబా మారథాన్ స్వర్ణం గెలుచుకోగా.. కెన్యా  రన్నర్ హెలత్ రెండో స్థానంలో నిలిచింది.

జి. మనోహర్