Posted: 12/11/2012 03:12 PM IST

 

        నలుగురికి మంచి వల్లించాల్సిన ఓ వృద్ధుడు తన కూతురు వయసు గల పనిమనిషితో చేసిన భాగోతమిది. తన ప్లాట్ లో  అశ్లీల చిత్రాలు చూపించి.. అత్యాచారం చేయబోయి ప్రస్తుతం కేపీహెచ్‌బీ పోలీస్‌స్టేషన్లో ఊసలు లెక్కిస్తున్నాడీ వృద్ధ కాముడు.
        వివరాల్లోకి వెళితే, కేపీహెచ్‌బీకాలనీ భగత్‌సింగ్‌నగర్ కాలనీ ఫేజ్-2లో బసవరాజు (60) నివాసముంటున్నాడు. విశాఖజిల్లా యలమంచిలికి చెందిన సంధ్య (21), సాయికృష్ణ దంపతులు రెండు నెలలుగా ఇతని ఇంట్లో పని చేస్తున్నారు. బసవరాజు ఇంట్లోనే ఓ గదిలో వీరు ఉంటున్నారు. భర్త వాచ్‌మన్/ డ్రైవర్‌గా పని చేస్తుండగా... భార్య వంట పని చేస్తోంది.
       ఇదిలా ఉండగా, సోమవారం ఇంట్లో ఎవరూ లేని సమయంలో బసవరాజు.. సంధ్యను తన గదిలోకి పిలిచి ల్యాప్‌టాప్‌లో అశ్లీల చిత్రాలు చూపించబోయాడు. తనకు ఇలాంటివి ఇష్టం లేదని, మీరు నాకు తండ్రిలాంటి వారని చెప్పి వచ్చేయబోగా అత్యాచారం చేయబోయాడు. సంధ్య అతడి నుంచి తప్పించుకొని.. ఏడుస్తూ గది నుంచి బయటకు వచ్చేసింది.
       అంతటితో ఆగకుండా బసవరాజు, అతని భార్య... సంధ్యను పిలిచి ‘‘ నీకు డబ్బు ఇస్తాం.. ఈ విషయం ఎవరికీ చెప్పవద్దు.. లేదంటే చంపేస్తామని’’ బెదిరించారు. బాధితురాలు భర్తకు ఫోన్ చేసి విషయం చెప్పడంతో అతను వచ్చి పోలీసులను ఆశ్రయించారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.

...avnk