ఎంసీఏ ఆల్బమ్ లో మరో కొత్త పాట

Posted: 12/12/2017 04:59 PM IST

మిడిల్ క్లాస్ అబ్బాయి అకా ఎంసీఏ చిత్రం ఈ నెల 21వ తేదీన ప్రేక్షకుల ముందుకురానుంది. ఈ సినిమాలో నాని - సాయిపల్లవి జంటగా నటించారు. ఈ ఇద్దరికీ మంచి క్రేజ్ వుంది .. అయినా ఆశించిన స్థాయిలో బజ్ రాలేదు. ఆడియోకి కూడా పెద్దగా రెస్పాన్స్ రాకపోవడం ఈ సినిమా టీమ్ ను మరింత నిరుత్సాహ పరురుస్తోందట.

ఈ నేపథ్యంలో దేవిశ్రీ ప్రసాద్ ను కలిసిన దిల్ రాజు .. ఏదైనా ఒక సాంగ్ ను మరో సాంగ్ తో రీ ప్లేస్ చేస్తే బాగుంటుందనే అభిప్రాయాన్ని వ్యక్తం చేసినట్టుగా సమాచారం. ఆ సాంగ్ జనానికి వెంటనే ఎక్కేసేలా ఉండాలని అన్నాడట. విడుదల తేదీ దగ్గరలోనే ఉండటం వలన సాధ్యాసాధ్యాలు గురించి మాట్లాడినట్టుగా చెప్పుకుంటున్నారు. ఆ మరుసటి రోజునే అఖిల్ సినిమా ఉండటం .. ఈ సినిమా ఆడియోకి మంచి బజ్ రావడమే దిల్ రాజు ఈ నిర్ణయానికి రావడానికి కారణమని తెలుస్తోంది.

నాని .. సాయిపల్లవిలకు గల క్రేజ్ ఈ సినిమాను ఏ స్థాయిలో నిలబెడుతుందో చూడాలి మరి. వేణు శ్రీరామ్ దర్శకత్వం వహించిన ఈ చిత్రంలో భూమిక, రాజీవ్ కనకాల ముఖ్యపాత్రలు పోషించబోతున్నారు.